Page 8 - HOH

32 COMUNIDAD AWEMainta Diabierna, 3 October 2025

OPPA a celebra di gran forma

Dia Internacional di Adulto Mayor

DIA 14 di December 1990 Asamblea di Naciones Uni
a proclama 1 di October como Dia Internacional di
Adulto Mayor. Pa honra e fecha importante aki, OPPA
a organisa un mainta special dedica exclusivamente

na su miembronan di 85 aña y mas, un grupo cu hopi
biaha no ta sali for di cas. Di e manera aki OPPA ta
keda fiel na su mision pa duna atencion y cariño na
tur categoria di e pensionadonan miembro.

E actividad a inicia cu interpretacion di e Himno di
Aruba presenta pa banda musical ‘Notas di Amor’
bou direccion di sr. Shurby Maria. Presidente di

OPPA, Sr. Ivo Valdes, a habri e actividad cu palabra
di bonbini y a hiba un discurso cortico enfatisando
cu hopi orguyo e gran balor y aporte cu nos gran-
dinan a duna na e comunidad Arubiano. Durante e

mainta, Banda ‘Notas di Amor’ a brinda un presenta-
cion alegre, cu cancionnan di temponan atras. Esaki
a trece un dushi ambiente cu hopi recuerdo y union.

Un momento hopi special tabata e bishita sorpresa
di Minister President Sr. Eman cu a yega pa felicita
personalmente nos grandinan y comparti algun
palabra di aprecio.

Despues di esaki, nos grandinan a participa den
un actividad interactivo cu a haci nan recorda nan
tempo di mucha. Nan a comparti bunita recuerdo

di amistad, deporte y famia. Cada grupo a scoge
un cantica cu nan tabata gusta canta e tempo ey.
E banda a acompaña cada grupo na momento di
presenta e cantica y tur participante tambe a canta

hunto cu e grupo.

E celebracion a termina cu un segundo presentacion
di e banda, ora cu mayoria di e grandinan no a resisti

y a lanta pa balia y gosa. Pa finalisa e dia, nos gran-
dinan a ricibi dushi pasa boca manera cuki, copi di
fruta y un box cu snacks. Ora di bay cas, cada un a
ricibi un tert y un recuerdo simbolico di OPPA.

OPPA kier expresa su sincero danki na tur cu a
contribui pa haci e celebracion aki un exito, princi-
palmente OPPA su comision di actividad, CdA, y e

banda ‘Notas di Amor’ cu a trece musica y alegria pa
nos grandinan.