Page 6 - AWE-3005

Dialuna 30 di Mei 2022

LOCAL
Tres persona seriamente herida

den accidente pisa na Solito

Diasabra anochi 7:30 pasa un accidente pisa a
sosode ariba e rotonde di Solito, cu ta cerca di
stadion di RCA. Unidadnan di rescate y polis
a sali mesora. Informacion a sigui drenta cu ta
trata di un accidente serio, unda tin tres hende
herida di cual un ta pega den auto. Caminda
mester a wordo cera. Mirando unda e autonan
a keda, tabata memey di caminda, pues niun
trafico por a pasa.

Con e accidente a sosode
Ariba imagen di video cu nos a mira tabata
mustra con e Toyota Corolla cu un señora na
stuur y dos mucha ocupante a subi rotonde for di
pabou, y for di panort e truck di BSL Laundry a
subi cu velocidad halto dal y lastra e Toyota bay
zuid cu ne.

Materiaalwagen, Ambulance, Slachtofferhulp
y hopi polis

E truck a keda pega contra e Corolla, e dos
hobennan a wordo saca nan tabata herida cu algun
corta. Bomberonan mester a drenta den accion
mesora, pa asina saca e señora di e situacion cu
e tabata aden. E no a bay facil. Durante cu nan
tabata bezig liberando e señora, e truck mester
a wordo hala pa asina tin mas espacio pa traha.
Saca for di banda di pasahero

Despues di basta rato a saca e señora for di banda
di pasahero y Paramediconan a tume over y
hinke den ambulance. Famianan a yega durante
cu bomberonan tabata trahando pa libera nan
ser keri, y mas cu claro e no ta algo facil pabo
presencia. Janine Rodriguez di Slachtofferhulp
tabata na e sitio y mesora a usa su experticio
pa papia cu e famianan y calmanan. Chauffeur
y alabes empleado di compania di laundry no
a resulta herida, pero tur esnan den e Corolla a
wordo transporta pa Hospitaal.

6