Page 53 - MIN ON
P. 53
Na IPA a tuma luga e oficialisacion di e Programa Scol Saludabel y na mes momento
invitadonan a ricibi un presentacion di kico ta encera un Scol Saludabel. Minister di
Salud Publico, Cuido di Nos Grandinan y Deporte, Drs. Carlos “Alex” Schwengle tabata
presente y tabata contento di mira cu ta sigui traha pa mehora cuido mediante promocion
di salud. Scol Saludabel ta un concepto cu ta existi pa hopi tempo caba. ‘Healthy School’
ta un concepto cu a bin di World Health Organization (WHO), unda cu for di aña 2000 e
organisacion a lansa e concepto aki y a duna su atencioncomo un herment pa combati e
problema di sobrepeso y obesidad y e relacion cu e tin fuertemente cu enfermedadnan
cronico manera diabetes, cancer y otro nan
E enfoke riba biba saludabel tin un efecto hopi positivo riba salud, no solamente riba un
termino cortico pero termino largo y esaki no ta algo desde awo. Pero Aruba a tarda basta
hopi pa cuminsa duna esaki atencion. Ex Minister Visser y Minister Dowers a inicia e
programa piloto di Scol Saludabel aki na Aruba y esaki tabata na 2012. E pilot a dura 5
aña den cual e stuurgroep a traha duro pa su implementacion.Hulanda tin esaki pa hopi
aña caba y Aruba a haci uzo di e modelo di nan, unda cu a adapta esaki. A cuminsa cu 5
scol despues a bay pa 8 scol pa por a dun’e atencion. E proyecto piloto tabata pa
experiencia con ta bay implementa esaki y con pa yega na un bon plan di
implementacion. No mester lubida cu e ta algo complica, e mandatario a duna di conoce.
