Page 36 - MIN VOS

18 AWEMainta Diahuebs, 7 September 2017

Resultado campeonato

mundial juvenil 2017

di landamento

SIMAN pasa e di 6 edicion di FINA su Campeonato
Hubenil di Landamento a conclui na Indianapolis, In-
diana, USA. Arubaanse Zwembond (AZB) a participa
cu 3 landador hubenil, Flory Kock, Keeley Maduro
y Patrick Groters. E landadornan a wordo compaña
pa Head Coach Ismael Santiesteban.
AZB ta hopi satisfecho cu e logronan di su atletanan,
cu un biaha mas a demostra cu e desaroyo di e deporte
di landamento ta bayendo den bon dirección.
Patrick Groters a landa 2 Record Nacional nobo den
50 m (26.66) y 100 m (57.02) Lomba.
Na mes momento den 3 di su 5 evento, Patrick a
termina den Top 20 di mundo hubenil.
Su mihor representacion tabata den 200 m estilo
combina, na unda Patrick a finalisa como number
14 cu 2:04.73, mehorando su mihor tempo cu 0.04.
Keeley Maduro y Flory Kock ambos a participa n’e
Campeonato pa obtene mas experiencia den compe-
tencianan di nivel halto. Keeley ta den training pa
Juegos Sur Americanos de la Juventud, locual lo tuma
lugar fin di september na Chile. Keeley a competi den
50 m (29.04) y 100 m Vlinder (1:05.66) y 400 Liber
(4:32.64). Den tur 3 evento Keeley Maduro a mehora
su mihor temponan un poco, mustrando cu pa Chile,
despues di pasa den su periodo di preparacion final,
Keeley lo ta cla pa mehora su temponan personal.
Flory Kock a competi den 100 m (1:00.31), 200 m
(2:13.32) y 400 m (4:44.52) Liber, y ta cla pa conti-
nua su training awor cu hopi motivación, después di
e experiencia aki. AZB lo tin su promer competencia
local dia 16 di september na Piscina Olimpico Roly
Bisslik, e competencia t’e Sprintnight anual, piscina
cortico (25M), pa tur categoria di edad, incluyendo
Masters. P’e seleccion di landamento, Juegos Sur
Americanos de la Juventud na Chile ta dilanti porta.
Aruba lo wordo representa pa Keeley Maduro, Anahi
Schreuders, Brandon Cheong y Daniel Jacobs. Despu-
es di esaki, preparacionnan lo cuminsa p’e Prome
COPA UANA di landamento locual lo tuma lugar na
Coral Springs, Florida, USA. Copa UANA lo inclui
tur federación di Caribe, Centro y Sur America, y 40
pais en total lo participa.