Page 60 - MIN.TTC MRT 19,2015

lucha pa nos Himno y Bandera

W ednesday, 18 March 2015 20:02
Comparti

Den cuadro di e celebracion di 18 maart, Minister di Cultura a inicia aña pasa cu e reconocemento di
pioneronan cu a hiba e lucha pa awendia nos por disfruta di un Status Aparte y autonomia di Aruba.
Manera custumber riba 17 di maart a inicia cu e celebracion di nos dia nacional, unda a duna honor na
Shon. A. Eman cu un actividad protocolario na Plaza 18 di Maart, e mandatario a bisa.
A continua cu e homenahe aki riba dia18 di maart, unda a realiza un ofrenda floral na e 3
pioneronan, Sr. Betico Croes, Juancho Irausquin y Henny Eman, cu hunto cu Shon A., a lucha pa forma e
base cu nos tin awe, cu ta forma un elemento clave y hopi importante den nos historia.
E lucha cu tabatin na hopi ocasion ta mira manera un lucha cu a sa di uni generacionnan. Un
pensamento, un vision, a pesar di tabatin diferencianan politico, ideologianan y forma di ehecuta esaki,
semper a reconoce otro na bida y a reconoce otronan pa e trabou cu a tuma lugar.
Minister Oduber ta indica cu awendia danki na esaki, nos por celebra cu nos tin un himno y nos tin
bandera pa cual nos por celebra cu nos ta liber dentro di Reino Hulandes .
Un autonomia cu a wordo lucha pe desde añanan '40 pa aña '76 cu a logra nos Status Aparte y nos propio
Himno y Bandera.
Despues di e 4 lidernan aki cu a forma e base solido cu tin awendia, tabatin otro lidernan cu a traha riba e
desaroyo cu nos conoce awor.
Nos dia Nacional ta e momento oportuno pa duna homenahe y respet y gradici cada un di e pioneronan
aki.
Ohala cu loke nos ta haci awe, inspira pa loke nan a inicia cu ne representa den e palabra union, por
continua cu e mes un vision y determinacion di otro. Pasobra e regalo mas bunita ta e Status Aparte cu
nos ta bibando den dje cu nos propio autonomia.