Page 61 - MIN.TTC MRT 19,2015

http://www.24ora.com/politica-mainmenu-18/93065-otmar-oduber-18-di-maart-ta-e-momento-
oportuno-pa-duna-homenahe-y-respet-y-gradici-cada-un-di-e-pioneronan-cu-a-lucha-pa-nos-himno-y-
bandera

Exposicion “Aruba y su rumannan den Reino dor di lens
Hulandes 1950-1960”, un bista di nos historia, cultura y
custumbernan cu ningun hende por perde

W ednesday, 18 March 2015 20:00
Comparti

Dialuna atardi a tuma lugar apertura oficial di e exposicion di UNOCA realiza na Archivo Nacional
“Aruba y su rumannan den Reino dor di lens Hulandes 1950-1960”.
Minister Otmar Oduber tabatin e placer di por ta presente pa e occasion special aki. E tabata un
oportunidad unico pa bay bek den tempo y mira con nos islanan tabata y con nan a cambia a lo largo di
tempo. Un experiencia unico cu un multitud di hende por a disfruta di dje tambe riba 18 di maart y lo por
sigui disfruta di dje den e proximo lunanan. Ta asina cu directora di UNOCA na 2012 a ricibi un mail di
Jos Philman di Hulanda kende a puntra si UNOCA lo ta interesa den rol di filmnan saca na Aruba,
Boneiro, Corsow, Islanan Ariba y Suriname entre 1950 y 1960. Respuesta di directora di UNOCA tabata
positivo mirando cu ta trata aki di un parti di herencia cultural di Aruba, cu kizas hopi di nos no tabata
conoce ainda. Ora a ricibi e rolnan di film, a acerca Archivo Nacional, Gobierno y Sra. Irene Peterson pa
mira con por digitaliza e material cu e pensamento pa usa esaki pa otro hendenan por wak e
material entre otro pa medio di un exposicion. Asina a yega na e idea pa realiza un exposicion den
cuadro di celebracion di Himno y Bandera 2015. Minister Otmar Oduber a indica cu pe ta mas cu un
placer pa ta para na un evento cu ta bay pone un enfasis hopi grandi riba un di e tareanan principal cu
den e Cumbre di Cultura cu tabatin aña pasa a bin dilanti, esta e aspecto di educacion, enseñanza y por
duna informacion na comunidad di Aruba riba nos antepasadonan, nos custumbernan, loke nos historia
tabata para pe y pa esaki wordo carga pa nos generacion nobo cu mester transmiti esaki y mantenele
bibo. E mandatario a felicita tur esnan di UNOCA y Archivo Nacional cu e exposicion aki cu ta mustra e
Aruba di antes, pa por mira casi 50 aña despues e potretnan aki di kico nos antepasadonan a construi y
pa awe nos por hiba esaki pa e futuro generacionnan. Minister Oduber a conta tambe cu e aña aki lo cera
un acuerdo hunto cu Archivo Nacional, Biblioteca Nacional y Departamento di Cultura na unda e tarea
cu entre otro ta wordo exponi den e dianan aki na Archivo Nacional, di digitalizacion di artefactonan y
informacion cu ta asina importante pa nos historia, pa asina nos cultura y custumbernan wordo hiba pa
nos futuro generacion. Mescos e tarea di archiva esakinan, percura cu nos historia ta wordo bon
documenta y cu nan por yega na scolnan pa duna les riba nan y tambe pa e informacion aki por ta
accesibel pa nos comunidad. Finalizando, Minister Otmar Oduber a invita comunidad en general pa
bishita e exposicion aki pa sigui carga nos hitoria y cultura pa futuro.