Page 62 - MIN.TTC MRT 19,2015

http://www.24ora.com/local-mainmenu-5/93063-exposicion-aruba-y-su-rumannan-den-reino-dor-di-
lens-hulandes-1950-1960-un-bista-di-nos-historia-cultura-y-custumbernan-cu-ningun-hende-por-perde

Februari 2015 a crece cu 13.9% pa cu turismo pa
Aruba

· Mar 17th, 2015
· Local

E luna di februari tawata fructifero pa cu turismo pa nos isla, na unda 89.991 turistanan ‘stay-over’ a
bishita nos isla. Esaki ta nifica un crecemento di 13.9%, un total di 11.012 turista mas compara cu e
mesun luna di aña pasa.

Pa loke ta trata februari 2015:

Norte America
For di Merca, un total di 50.737 turista a bin nos isla den luna di februari cual ta un aumento di 5.8%
compara cu aña pasa. For di Canada a bin un total di 5.845 bishitante (9.8% mas cu februari 2014). Pa
februari 2015, e continente Norte Americano a aumenta cu 6.2% y a representa 62.9% di e ‘market
share’ total di turismo pa Aruba.

Latino America
Latino America a trece un total di 25.852 bishitante pa nos isla cual ta un aumento di 58.3%, un total di
9.525 bishitante mas pa nos destinacion, compara cu februari 2014.

Si nos analisa esaki pa cada mercado, bishitantenan di Venezuela a subi cu 79.7% (8.327 bishitante
mas) compara cu februari 2014. Den cifranan absoluto, 18.779 Venezolano a bin nos isla. Colombia a
aumenta cu 2.9%, en total 1.014 Colombianonan a bishita nos isla, cu ta 29 mas compara cu aña pasa.
Chile a aumenta cu 26.6%, un total di 1.395 Chileño a bin pasa nan vacacion na nos isla, cu ta 293
persona mas compara cu februari aña pasa.
For di Brazil, 2.357 bishitante a bin pasa nan vacacion, cual ta 57.7% mas (862 persona). Argentina a
bishita nos isla cu un total di 1.032 turista, cu ta 221 bishitante menos (-17.6%) compara cu februari
2014.

E continente di Latino America a representa un total di 28.7% di nos mercado di turismo durante februari
2015.