Page 3 - on jan 7

Futuro politico di un minister ta bira conoci
awe merdia

Posted on 01/6/2016 11:13 am AST | Updated on 01/6/2016 12:46 pm AST

ORANJESTAD – Futuro politico di un minister awe merdia lo bira conoci. Fuentenan
fidedigno a confirma awe mainta na NoticiaCla.com, cu e intencion ta pa awe merdia ( e
cita ta 1:30pm) Minister Otmar Oduber presenta su retiro na gobernador, citando no
solamente carnaval como un problema, sino mas desaroyo di ultimo tempo cu a pone yega
na e decision aki. Mes momento a compronde cu e intencion ta pa Oduber informa
gobernador di su plannan di futuro inmediato, y tambe a largo plazo. Pero si e mandatario
lo hacie, tin cu wak berdaderamente. Esaki pasobra gobernador por pidi'e tambe pa
recapacita y pa bienestar di pais Aruba, e keda como minister. Y no ta prome biaha cu e
mandatario aki ta 'informa' cu e lo tuma retiro, pa despues recapacita y keda toch cu su
funcion.

ROND AF COMPROMISONAN

A compronde cu Oduber lo informa gobernador cu su intencion ta pa ‘rond af’ su asuntonan den
un luna di tempo, pa despues e retiro di dje drenta na vigor. E pregunta miyonario lo ta sigur,
kico e lo haci despues, mirando cu siendo un minister, den caso di un retiro e no ta haya un
asiento pa bira ‘independiente’, manera ta e caso ora cu un parlamentario distancia su mes di e
partido/gobierno y bira independiente. Den caso di un minister, esaki ta totalmente diferente den
e sentido cu ora cu un persona retira como minister, e ta keda sin un funcion politico despues.

FUTURO DI MINISTER

Informacion cu e portal aki tin, ta cu mientras cu su ‘achterban’ a sugeri’e pa e bay dedica su
mes na su famia y continua den e sector priva, unda cu sigur e tin su coneccionnan haci, e
informacion ta, cu e lo ta ambiciona pa bin cu su propio partido, mirando e grupo grandi di
seguidornan/votadornan cu el a haya durante e ultimo eleccion. Pregunta ta keda si, si e cantidad
di votadonan awe ta sostene ainda of si esaki a bira menos, of porta te hasta mas hopi awor. For
di masha tempo ta papiando, cu Oduber lo ta ambiciona pa tin su propio partido y cu esaki lo por
bira e ‘dolor di cabez’ di e actual gobierno.

PROBLEMA CU COLEGANAN

For di inicio di e gabinete aki, Oduber tabatin problema cu e gabinete aki, ora cu na inicio di e di
dos periodo di gabinete Mike Eman 2, a bin un conflicto ora cu kier a apunta Oduber como
Minister di Enseñansa enbes di Turismo y duna e ultimo aki na colega Minister Hooyboer. A
‘trek esaki recht’ mesora y a continua. Despues na caminda a bin varios ‘discusion’ y ‘incidente’
entre Oduber cu otro ministernan. Un di nan sigur tabata (y a compronde cu ainda esaki ta e
caso) cu colega Minister Dowers, ora cu ultimo a cancela un reunion riba seguridad
abruptamente. Tambe cu Minister Sevinger, Oduber tabatin issues unda cu e ultimo aki, atrobe a