Page 42 - MIN VOS 1 DEC 2015
P. 42
8 AWEMainta Diamars, 01 December 2015
Roy Angela Mayor League
Best Prediction Award a
entrega premio na ganador
Eddy Banfield
pa di 3 aña
consecutivo
ta bay cu
e premio
maximo
DIADOMINGO atardi di 5 pa 7pm den Trappers Club
na Sta Cruz a tuma lugar un bunita ceremonia unda a
entrega premio na ganadornan di aña 2015 pa locual ta
trata “Roy Angela” Mayor League Best Prediction Award.
Kico esaki ta ensera?
E famoso atleta den su tempo, esta Roy Angela y
awendia narador deportivo, kende porcierto tin su
propio programa deportivo “Deporte.Com” a bin cu un
bunita idea 3 aña pasa y a crea un award pa fanaticonan
di baseball Mayor League (MLB), kendenan na inicio di
temporada alrededor medio maart di cada aña por haci
un apuesta riba e teamnan di Mayor League.
Mester menciona 3 team di Liga Americana y 3 team di
Liga Nacional cu lo gana e Liga pues den cada division.
Alabes nombra un wild card di cada Liga. Mester
menciona e hungador cu lo gana e Cy Young Award den
cada Liga y igualmente e MVP den cada Liga.
Opcionalmente e equiponan cu lo disputa den World
Series. Esnan cu ta mas serca di tur e predictionsnan aki
lo bin na remarca pa gana un of mas premio.
E aña aki ta di tres aña cu Roy Angela ta organisa e
tremendo award aki unda un total di 8 participante a
entrega nan predictions na tempo y tabata valido p’e
competencia na inicio di temporada.
Participantenan tabata Caryl Kelly y Giovanny Alders
kendenan a saca 4 bon, Emy Dirksen y Rigo Croeze
ambos cu 5 equipo bon, Ronald Williams y Eddy Banfield
cu 6 equipo bon. Joselito Danje su predictionsnan a
drenta laat y no tabata valido p’e competencia.
Eddy Banfield como cu e tabatin adicionalmente NY Mets
como e equipo cu lo disputa den World Series tabatin
e bentaha riba Ronald Williams y asina Eddy Banfield,
un gran pelotero den su tempo, kende tambe a carga e
record di 12 homerun den un temporada pa hopi aña
