Page 6 - Diario

PAGINA 6 DIARIO DIARANZON 9 DECEMBER 2015

The Mill Resort ta indica Certificado pa participantenan
cu nan no tin nada di
Mas fotografo awor na Aruba
haber cu De Olde Molen
ORANJESTAD (AAN): Den cuadro di Lifelong learning, Biblioteca Nacional Aruba a
ORANJESTAD (AAN): Segun un boletin emiti Diamars, The Mill ofrece un workshop di fotografia intensivo pa principante. Esaki bou guia profesional di
Resort & Suites a clarifica publicamente cu “De Olde Molen” night- Fotografo y artista sr. Ramon Castillo y tambe graphic designer Veronica Chemaly.
club no tin ningun relacion di negoshi ni nada cu The Mill Resort
& Suites. Diabierna despues di 1 siman intensivo participantenan a ricibi un certificado.

“De Olde Molen” ta opera bao di un vergunning separa di res-
taurant y alcohol cu nan a haya 40 aña pasa via di De Olde Molen
NV. E compania aki no ta asocia y ta un entidad separa di The Mill
Resort & Suites.

Nan ta extende nan mas profundo condolencia na e famia y amigo-
nan afecta pa e incidente cu a socede Dialuna madruga. Nan ta
spera cu e autoridadnan tuma e accion corecto, como cu esaki ta e
ultimo incidente di problemanan continuo cu e hotel, nan huesped-
nan, empleadonan, y contratistanan a bin ta enfrenta a base semanal
den ultimo añanan, cu e bar aki ta operando.

E ta crea un estorbo inaceptable pa e Resort y huespednan, y ta
dañando e bon nomber y reputacion no solamente di e Resort, pero
tambe di henter Aruba como un lugar safe pa pasa vakantie.

Mañan lo atende caso di menaza
di morto y maltrato den Corte

ORANJESTAD (AAN): Mayan mainta e sospechoso R.M.G. lo
mester duna cuenta dilanti Hues pa e acusacionnan cu Ministe-
rio Publico a presenta contra dje.
E acusacionnan cu Ministerio Publico tin contra R.M.G. ta cu
riba 19 di Juli 2014, el a menaza un persona cu morto. E lo a
manda e persona mensahenan di voicemail via whatsapp: “Bo
kier laga mi? Bisa mi y mi ta laga bo. Pero mi ta mat abo. Mi a
bisa bo yen biaha caba, mi cabez no ta bon” y/of “Wak pa bo no
yega aki banda mes. Mi ta rek bo cabez afor”.Tambe e ta wordo
acusa di a intencionalmente maltrata e mes persona aki riba 19
di juli 2014 dor di dal e varios biaha cu mokete na su cara y/of
pecho y/of barica, dor di cual e persona a sufri lesion y dolor.
Durante tratamento di e caso, mas informacion lo bin dilanti y
DIARIO lo informa nos lectornan di tur loke ta pasa den Corte.