Page 4 - AM210918

4 AWEMainta .com
Un pensionado
“Mi no tin futuro ya cu mi futuro ta pasado
y solamente trankilidad mi por anhela”
Bida di tur hende ta consisti di diferente etapa,
caminda for di baby un persona ta pasa den
diferente seccion di su bida, como mucha, como
adelesente pa despues drenta e fase di hende
mayor di edad y caminda e ta cuminsa planea su
propio bida, diferente den hopi caso cu esun di
su mayornan.
Desde 2020 ora cu a pandemia di Covid-19 a dal
henter mundo den un forma hopi duro, bida di
nos grandinan tambe a haya un otro nificacion,
sigur ora cu tuma nota di miyones di hende cu a
fayece rond mundo, ta hendanan di edad halto,
pensionadonan y aki na Aruba e no ta diferente.
Hendenan di edad halto ta mas vulnerabel p’e
bacteria mortal aki di Covid-19 y aki na Aruba
por constata cu entre e grupo di 154 persona cua
fayece aki na Aruba dor di Covid, mas cu 120 di
nan tabata hendenan grandi, cu a haya problema
serio cu hopi complicacion.
Na inicio di e pandemia por a ripara rond mundo
cu hopi hende grandi kedando den centronan
den diferente pais, a wordo confronta cu
situacionnan sumamente penoso caminda den
algun pais, hasta e cuidadonan di e hendenan
grandi, a bandona e centronan aki y laga e
grandinan pa nan cuenta, a enfrenta un morto
sigur.
Awor cu tin e posibilidad pa vacuna contra di
e Covid, inicialmente a urgi hendenan grandi
pa tuma e vacuna, p’asina nan haya un defensa
contra di e bacteria aki y caminda en berdad e
cantidad di mortonan a reduci, pero e cifra a
keda halto p’esnan di edad avansa.
Bira grandi ya no ta un luho mas y esaki a keda
demostra recientemente ora c’un raport traha
riba reduccion di costo di cuido medico, a sugera
cu lo ta bon pa determina dado momento si
hendenan di edad avansa, kendenan cu salud
delicado, lo bin na remarke pa haya un tratamento
cu lo costa hopi placa.’
Diabierna, 17 September 2021
Un sugerncia cu a shock hopi hende, un
sugerencia inhumano, pero cu no a haya e debido
atencion ainda mirando e seriedad y falta di
compasion di esnan cu a formula e ponencia aki.
“Mi tin 72 aña y en realidad mi no ta mira ningun
futuro mas pa mi y pa mi casa.
Nos ta bibando di nos pensioen, buscando
trankilidad mas cu tur cos, pero bon na altura cu
en realidad nos no por planea un futuro, nos no
por soña mas di traha por ehempel un cas, traha
plan pa un famia ya cu nos famia mes a crece bay
laga nos.
Yiunan a bira grandi, a planea nan propio futuro,
nan proyecto di lanta un famia manera cu nos a
duna nan, lagando nos un banda pa mira kico
nos mes tin cu haci.
En realidad ta bon pa mustra aki cu nos como
hendenan grandi caba, tin como unico futuro
nos morto, luchando pa alarga nos presencia pa
cu nos famianan, pero sabiendo bon bon cu e
futuro aki ta bay conduci na morto.
Nos tin hopi hende conoci cu a mura den ultimo
dos añanan, hendenan cerca, famianan di mesun
edad, coleganan di antes di trabou y como hende
grandi sin duda ta pasa den nos mente, cu e
momento aki tambe lo ta yegando pa nos.
E motivacion mas grandi ta di sigui haci cosnan cu
ta positivo, evita conflictonan, evita momentonan
negativo y anhelando cu nos yiunan ta felis, cu
nan yiunan cu ta nos nietonan, tambe ta felis ya
cu realmente no tin mucho mas pa planea.”