Page 42 - MIN ECEM
P. 42
realidad. E ley cu e cambionan electoral ta pone cu e politico cu mas voto ta drenta
parlamento y ta elimina e fenomeno cu a base di sequencia di number ta drenta
parlamento. Lamentablemente e proceso pa cambia e ley electoral a wordo boycotea pa
fraccion di AVP y tambe pa ex presidente di parlamento pa motibo cu nan ta CONTRA e
cambio di ley aki. Despues di eleccion di dia 22 september caminda pueblo a vota pa un
cambio tin un constelacionnobo den parlamento. Diabierna ultimo 27 oktober 2017 e
parlamento number 10 a huramente y e mesun atardi a scohe presidente di parlamento
nobo cu ta sr Guillfred Besaril. Na e momentonan aki fraccion di AVP NO tin mayoria
mas den sala y asina NO por tranca of para e proceso pa cambia e ley electoral mas.
E ley aki a bai Raad van Advies caminda e organo consultativo a duna consehoriba e ley
aki. Una vez e conseho a keda cla tur e sugerencianan cu Raad van Advies a trece dilanti
a wordo adresa y e ley tawata cla pa sigui cana e proceso pa bira un realidad. Aki ta
caminda fraccion di AVP a trance e proceso y a pidi presidente di parlamento cu nan kier
un conseho di SER (Sociaal Economische Raad) cual ta algo insula mirando cu
parlamento NO por SER un conseho. Loke fraccion di AVP a pidi ta contra LEY pasobra
ta gobierno por pidi SER un conseho. En todo caso gobierno a cumpli cu orden di nan
fraccion berde y a pidi SER un conseho. E conseho aki a keda cla for di luna di juli y nos
a haci un apelacion na presidente di parlamento pa cumpli cu deseo di pueblo y sigui cu e
proceso pa asina e ley bira un realidad promer cu eleccion di dia 22 september 2017. Nos
no a haya oido di presidente di parlamento y e la scohe pa NO sigui cu e proceso aki. Na
e momentonan aki mi a haci un apelcacion na presidente nobo di parlamento pa sigui cu e
proceso aki. Loke mester wordo haci ta cu presidente di parlamento mester yama un
reunion di comision central pa miembronan di parlamento pone un fecha (deadline) pa
haci preguntariba e ley aki y e preguntanan aki mester wordo contesta pa esnan cu a
entrega e ley di inictiativa aki. Unavez esaki ta cla, e ley ta CLA pa wordo trata den
reunion publico pa asina yega na un votacion.
