Page 44 - MIN ECEM

Sigur esaki ta un reto, e reto mas grandi ta di duna contenido na e resultado di
eleccion. E resultado tabata uno cu si bo bay analisa esaki den su profundidad,
lo bo realisa cu e grito di pueblo ta “CONTROL”. Un control cu durante e ultimo

añanan no tabata optimal. Y como politico, mester duna yamado na esaki.

Vooral den e fase transitorio, segun Sr. Besaril, mester pone un fundeshi, pa
mañan na momento cu tin un parlamento den su constelacion cu lo tin cu guia e

gobierno pa e proximo e 4 añanan, pa tin’e cu e check and balances necesario,
reestableciendo ordo y e respet necesario.

Mas aleu Sr. Besaril a sigura cu den e proximo dianan, a pesar di e fase
transitorio cu por ta di corto duracion, ta papia di reestablece ordo den nos

comunidad y vooral den parlamento. Esey ta e tarea, conhuntamente cu Sr. mr.
Andin Bikker, kende Sr. Besaril a felicita pa a wordo scogi pa ta vice- presidente

di Parlamento, cual ta hunto nan ta carga. E no ta un one man show, pero ta tur
hunto ta bay haci’e hunto cu e lidernan di fraccion, vooral den e fase transitorio,

mustra pueblo cu nan a compronde e mensahe di e resultado di eleccion.

FASE TRANSITORIO
Sr. Besaril a splica cu, politicamente, nan ta den un fase transitorio, ya cu Sra.
Formado ya caba ta basta leu cu e plan nacional di gobernacion. Esey kiermen

cu ta yega e momento cu ta dicidi na ki forma ta bay carga e plan di
gobernacion, con e ministerionan lo ziet eruit y ken lo carganan. Den e contexto

ey, e 21 parlamentarionan, lo por bin cambio den esaki y lo bin cambio den
esaki.

Januari, pais Aruba ta host IPCO y esey nifica cu tin decisionnan cu mester

wordo tuma pa ta e host corecto pa un evento di e magnitud eynan. Tin algun
otro aspectonan cu, segun Sr. Besaril no por warda. Tin algun otro aspectonan
cu Sr. Besaril y el a comparti cu Sra. Formado y otro coleganan,ta sinti cu

mester wordo haci di biaha pa asina aki, e pueblo realisa cu nan ta den un era
di cambio y cu no por warda te ora cu bin un presidencia cu lo bin pa e proximo