Page 47 - MIN ECEM

bay duna atencion manera e tema social segun Sr. Hendrik Tevreden,
parlamentario pa partido MEP.

Pueblo ta dunabo confiansa pa bo sirbinan y esey ta e meta. Bo ta e bos di e
pueblo den parlamento. Esey ta nifica, cu pa bo vocifera kico e dolor di e pueblo

ta, kico ta e cambio cu pueblo kier mira y tambe kico ta e futuro cu pueblo kier
construi. Den parlamento bo tin oportunidad pa haci esaki.

Sr. Tevreden a sigui bisa cu e lo kier enfoca ariba e parti social, zowiezo e lo

enfoca ariba dje. E parti di adiccion lo bo kier mira un adelanto, salud mental,
hendenan cu limitacion. Hendenan cu limitacion tanto fisico y mental, lo kier
mira un adelanto pa nan tur. Den totalidad, e hende central esey ta bay ta nan

enfoke, esey ta bay ta e liña cora cu e lo cana ariba dje y percura pa Aruba
mantene su norma y balornan, preserva loke cu nos tin y percura pa Aruba ta

un pais unda cu nos tin norma y balornan halto.

Mirando e problemanan social, cu ta pone cu tin tanto caso den criminalidad, e
ta un reto grandi, ya cu e ta bin di e veld, cu hopi aña di experiencia. Bo ta mira

cosnan cu, eigenlijk cinco aña atras bo no tabata mira. Dus tin un crecemento
den esaki, e reto ta hopi grandi. Pero unabes cu bo cuminsa cera e cranchi di e
cosnan cu ta perhudica nos sociedad bo lo mira un cambio. Sr. Tevreden ta di

opinion cu a corto plaso tin cosnan pa haci, pero e cambionan real lo bin a largo
plaso. Ta algo cu ta dura un tempo. Pero e cambionan mester wordo poni ariba

un fundeshi fuerte, pa asina construi ariba dje pa futuro.