Page 3 - Djarason 4 yuli 2018.pdf

Djarason 4 Yüli 2018 3
Polis miembro
di staf di gabinete
di promé minister
detené

PHILLIPSBURG.- E
agente polisial di fam
Gerardus di 42 aña
ayera a keda arestá pa
soborno pasivo i tambe di
falsifikashon i tambe a faya
ku su trabou komo ámtenar.
Loke a hala atenshon dje
detenshon aki, pasobra e
agente polisial di inisial
J.L.V. Gerardus aktualmente
ta den e staf di gabinete di
promé minister dje isla di St.
Maarten. E ta konsehero di e
gabinete di promé minister, i
tabata trahando te ku ayera
mainta ora el a keda arestá.
E ta un dje sospechosonan
den e kaso ku ta karga e
nòmber “Whale”.
Investigashon
“Whale” a keda kondusí
pa landsrecherche ku
asistensia di polis di St.
Maarten, komo tambe di
duana i ministerio públiko.
A hasi redada den kas dje
sospechoso na Cole Bay
tambe. J.L.V.G. ketu bai ta
detené i ministerio públiko
no ta deskartá ku mas
detenshon lo kai.