Page 12 - bon-dia-aruba-20200905

a12 riba caya
Diasabra 5 september 2020

Candela grandi na dump

Riba diabierna mainta, a drenta noticia tocante candela grandi
na dump. Ta asina cu un desconoci a cende taira na candela
riba Dump cual a causa ta birando un candela masha grandi
mes. E incendio tabata asina fuerte cu, por a wak e for di
diferente partinan di Aruba. Ekipo di brandweer mester a
keda para un rato na banda mientras e chubatonan cu tabata
tin riba dump a cuminsa hala e tairanan di candela.

Dos auto a dal den otro na Kibaima

Riba diabierna mainta, na Kibaima direccion panort di
Drive inn, ta resulta di un jeep wrangler a bay purba pasa un
auto y a perde control cu consecuencia di a dal basta duro
contra un toyota pickup. E auto a haya basta sla, cual a kibra
wielnan completamente, niun persona a ser heridad, pero
si a keda cu dañonan material. Polis di trafico a presenta pa
tuma dato.

Homber deteni na Sero Patrishi

Diahuebs anochi, habitantenan di Sero Patrishi y Tanki Leen-
dert a reporta polis tocante un Nissan March di color preto
coriendo den e barionan den manera sospechoso. Patruya di
Oranjestad a haci un control y a bin topa cu e auto cual tabata
tin 2 persona aden strenhero, manera nos a wordo informa
ta parce cu e auto tabata bayendo direcion pa Paradera.Polis a
para e auto y a bin haya cu e personannan no ta documenta y
cu droga den nan poder. Transportwagen a presenta y a detene
e dos personannan.