Page 16 - AM200629
P. 16
16 AWEMainta Dialuna, 29 Juni 2020
Hyundai Veloster a keda completamente destrui,
momento cu el a accidenta diasabra anochi
DIASABRA anochi den careda di 11’or Polis a bay altura
di ex Free Zone su cura, pa un auto cu a ranca pal’i luz y palo
di coco. Bayendo Citgo Boulevard direccion Turbo Rotonde,
tur e luznan di caya a cay afo dor di e accidente mas pabou.
Na yegada Polis a topa cu un Hyundai Veloster, completa-
mente destrui y masha hopi cos gespart rond.
Un rato prome awa a jobe y esaki posiblemente lo por ta
resultado cu e vehiculo a slip.
Por mira n’e marcanan riba e pal’i luz y e mata di coco cu a
auto a bin for di pabou, y perde control.
E auto cu un tire di padilanti a kita completamente y a
keda benta poco mas pabou. Polis a papia cu e chauffeur
kende no a resulta herida.
Dor cu e auto a keda benta riba caminda y no por a move
mas riba su mesun forsa a cera crusada Paardenbaaistraat.
Elmar a presenta pa fix un parti di e pal’i luz cu a keda
gespart rond. Te cu dialuna lo caba di drecha e pal’i luz.
Despues cu takelwagen a lanta e auto y DOW haci nan parti
a habri e caminda bek.
