Page 9 - AM201010

Diasabra, 10 October 2020 AWEMainta 9

Happy to Give Back Radio-y Telethon:

A surpasa e suma cu a spera!

CEDE Aruba cu su campaña di Happy to Give Back a logra recauda

un suma extraordinario durante e Radio-y Telethon fin di augus-

tus. Inicialmente a registra Awg. 211.461,11 na final di e iniciativa,
pero mas donacion a sigui drenta y e placa di nan ‘street collection’

tambe mester a wordo conta acerca.

Originalmente, a pone como meta pa recauda AWG. 150.000 duran-
te 48 ora di transmision. P’e team di CEDE Aruba y Happy to Give

Back nan sorpresa, a recauda un total di Awg. 256.040,51. Direc-

tor di CEDE Aruba, sr. Daniel Tecklenborg ta sumamente contento

y a bisa: “Con bunita e ta cu individual, comerciantenan y pueblo
henter a uni y duna locual cu nan tabata por y a yuda nos logra sur-

pasa e suma cu nos a spera.”

Den totalidad, Happy to Give Back a recauda mas cu AWG. 970.000

desde april 2020.

Tur fondo recauda lo bay 100% pa instancianan social y esaki lo

wordo parti entre Fundacion Pa Nos Comunidad, Ban Uni Man Pa

Cria Nos Muchanan y YMCA. Sr. Daniel Tecklenborg tambe a men-

ciona cu e suma aki ta substancial y sigur lo sigui yuda personanan
den necesidad, pero cu esaki ta solamente un comienso, mirando

cu tin un aumento di famianan cu ta registra pa ricibi ayudo. N’e

momento aki tin un cantidad di 13.000 famia registra na varios in-
stancia.

CEDE Aruba y Happy to Give Back ta invita tur persona of organ-

isacion cu ta desea di haci un donacion (grandi of chikito) pa bishita

www.happytogiveback.com pa mas informacion tocante con por contri-
bui n’e bunita causa aki.

Happy to Give Back ta duna un gradicimento special na Setar, Fun-
dacion PANA, Harbour House project, EY, Arugas. Nagico. Fred –

in memory of Dr. B. Kennedij Dermatoloog, WOW, Sasaki & Tanki

Leendert Service Station y ASHA – Associacion di Specialista Aru-

ba cu a haci un donacion di AWG. 5.000 of mas.

Tambe, Blue FM, Canal 90, Cool Fm, Heart Radio, Magic FM, Top
FM, Hits 100, Latina FM, Radio Bo Guia 88.9 FM, TeleAruba y

Elite Studios cu a logra haci e Happy to Give Back Radio-y Telethon

uno exitoso, tur boluntario cu a duna nan tempo valioso y tambe
otro personanan y organisacionnan cu a haci donacion generoso.