Page 34 - MIN VOS

Jacky Van Putten (POR): Danki Na Eleccion Deporte

Tin Atencion

 Local

 Politica
- 05/06/2017

Ultimo simannan nos por a tuma nota con tin interes a aumenta un biaha mas pa
deporte… claro mirando cu ta aña de eleccion.Pa ultimo añanan nos por a mira un
ausencia completo di nos Gobierno den deporte.Citando nos mesun Minister di deporte, e
no tabatin tempo pa deporte e prome 3 añanan, ya cu pa su persona e cartera di salubridad
ta mas importante.Faltando 3 luna prome cu eleccion diripiente tin tur atencion pa
deporte y a core pone un conferencia pa delinea awo un programa pa 10 aña y bin cu tur
sorto di comision p’asina duna deporte su atencion debido.“A little too little, a little too
late”, aunke esaki no ta sorprendemi, hopi politiconan a core campaña prometiendo shelo
y tera pa cu nos deportistanan y deporte en general y ora e momento yega nos no ta mira
nada di e promesanan, segun Jacky van Putten.

Politiconan cu en berdad no sa kico ta come of bebe den deporte y ta priminti tur sorto di
solucion te ora nan sinta y mira cu realidad ta otro. Mi por bisa esaki, pasobra ami a sinta
34 aña bou di tur Gobierno y por a experencia esaki personalmente.Un maneho deficiente
of miho dicho un ausencia di maneho den e ultimo gobernacion a hiba deporte na un
estado critico. E estado di e facilidadnan ta deplorabel y sin uzo.