Page 12 - bon-dia-aruba-20220511

a12 riba caya
Diaranson 11 Mei 2022

Accidente semi-frontal na Tarabana

Dialuna den careda di
10’or di anochi riba Caya
Betico Croes, riba e ca-
minda di Tarabana dilanti
di Wu Di supermarket, a
sucede un accidente unda
un Nissan Teana a bay dal
semi-frontal basta duro
den un Nissan Sentra.

E impacto a laga ambos auto
kibra na banda.

Debi na e impacto, un
homber coriendo e Nissan
Teana a resulta levemente
herida. Polisnan a presenta
di biaha pa atende cu e acci-
dente y tuma dato.
A cera e caminda un rato
debi cu ambos auto kibra ta-
bata riba caminda.
Personal di ambulance a pre-
senta pa brinda asistencia
medico.

Auto a dal tras di otro na rotonde Bubali pa Av. Nelson Oduber

Diadomingo anochi na e rotonde Bubali pa subi Av
Nelson Oduber banda di Super Food a sucede un
accidente, unda chauffeur di un Mazda a dal tras di
un Hyundai Accent.

Debi na e impacto, un persona a resulta levemente herida
y ambulance a presenta pa atende cu e victima.
Polis di trafico tambe tabata na e sitio pa tuma dato for di
ambos partido.

Dos auto a dal contra otro na Santa Cruz

Un persona a resulta levemente herida

Diadomingo atardi na altura di 88 Food Store na Macuarima a sucede un accidente
entre un Honda y un Kia Picanto.

Debi na e impacto un persona a resulta levemente herida. Daño material tabata minimal.
Ambulance a presenta pa atende cu e persona cu tabata sinti su mes malo.
Polis di trafico y roadservice a tuma dato.