Page 39 - KPA APRIL 23,2015

Dama di 23 aña maltrata y abusa haya canto di caminda

Publication: Thursday, 23 April 2015. Categoria: Policial

ORANJESTAD(AAN):Diaranzon marduga un caso hopi serio a keda registra cerca polis. Un
damita di 23 aña a wordo haya banda di caminda grandi na altura di Cura Cabai. El a wordo
abusa sexualmente pero tambe maltrata.
E mes a lucha pa defende su curpa na man di e abusador cu parce a logra su meta tambe. Na final
e damita a logra scapa y asina a logra yega un caminda por a bati alarma.
Polisnan a yega banda di Lally’s na Cura Cabai pa brinda e asistencia na e hoben di 23
aña. Presencia di ambulance a wordo pidi tambe y nan a bay cune mesora Hospital unda el a
wordo atendi.
Polis tambe a compañe. Na Hospital el a wordo poni den un rol stoel y hiba paden. E
departamento concerni, Jeugd en Zeden Politie, a wordo notifica pa asina presenta y cuminsa
investigacion mesora.
Probablemente e damita por logra duna descripcion pa asina autoridad pone man riba e abusador
sexual cu ta canando los y por bira un peliger pa otronan tambe.
http://www.diario.aw/2015/04/dama-di-23-ana-maltrata-y-abusa-haya-canto-di-caminda/