Page 40 - KPA APRIL 23,2015

Hoben a haya bati pa grupo di cuater y a bati alarma

Publication: Thursday, 23 April 2015. Categoria: Policial

ORANJESTAD(AAN): Diaranzon mainta un caso fastioso a tuma lugar. Parce cu e homber aki
di edad hoben tabata trip un tiki.
Parce cu el a sali for di un Cafe den Santa Helenastraat of Belgiestraat. Den e coremento ta papia
cu e a dal su auto tambe y cap e tire. Na dado momento un grupo di cuater a yega eynan den otro
auto y rondone y cuminsa agredie.
E maltrato tabata severo pasobra el a keda herida. Polis a bay mesora pa brinda asistencia.
Recherche tambe a yega na e lugar. El a bati alarma banda di Turbo Rotonde. Ambulance tambe
a presenta. Autoridad tin atencion pa e caso aki. Ta worde menciona cu e victima lo tin problema
cu su matrimonio y no sa si den e caso aki e tin di haber cu e posibel problemanan aki.
Su mayornan a presenta tambe na e lugar unda nan yiu tabata. E auto tabata sushi na manchanan
di sanger.

http://www.diario.aw/2015/04/hoben-a-haya-bati-pa-grupo-di-cuater-y-a-bati-alarma/