Page 3 - bon-dia-aruba-20200429

A3
LOCAL Diaranson 29 aPriL 2020

Consultorio di Asuntonan di Adiccion no a haya caso

nobo den temporada di Covid-19

ORANJESTAD - Consultorio pa Asuntonan di Adic-
cion (CAA) a duna di conoce cu na e momentonan aki
nan ta sigui traha, cu su clientenan y via telefon; pero
cu nan no ta aceptando clientenan nobo.

Asina a informa Arthur Comenencia, cu pa e crisis aki di
coronavirus e dos oficina di Consultorio pa Asuntonan di
Adiccion ta habri, pero nan no ta atendiendo publico. Esey
ta depende di si algun di e caso ta den Ministerio Publico of
Directie Voogdijraad. Loke el a splica ta cu nan ta atendiendo
nan clientenan regular pa wak si nan mester di algun ayudo.

Di e clientenan regular aki cu nan tin, Comenencia a señala
cu nan tin nan tratamento y CAA ta pendiente di esey hunto
cu e mayornan of famianan, con su progreso ta bayendo. Asi-
na mes el a afirma cu hopi di nan cliente a haya esey y a drenta
den centro for di comienso di aña, prome cu e situacion di
Covid-19 a inicia na luna di maart.
Den nan oficina di CAA, el a comenta tin algun persona cu
ta haya cuminda diariamente den oranan di mainta y merdia.
Loke ta trata e centro na Sero Colorado nan no ta tumando
niun cliente nobo, loke ta nifica cu esunnan cu ta eynan mes-
ter keda.

Tambe el a sigura cu e parti di higiena y prevencion a wordo
implementa y controla, nan mester laba nan man constante-
mente.

Ademas el a comenta tocante e clientenan cu ta na Meiveld,
CAA a comunica cu nan famia cu e momento aki ta uno di
crisis, pa asina nan por tene nan familiar den cas. Comenecia
a splica cu nan a papia hopi cu e famianan di loke ta trata e
tempo aki, pa e personanan cu ta adicto por keda cerca nan
pero na un luga aparte, pa motibo cu asina por preveni cu nan
lo keda riba caya.

Asina mes, Comenencia a trece dilanti cu pa loke ta trata e
clientenan di Centro Di Motivacion (CDM) na KIA ta esun-
nan cu tin bonus. Algun di nan tin tempo di un aña y otronan
di dos aña. Aworaki tur cliente cu ta eynan di CAA mester
cumpli cu e añanan cu hues a pone y cu nan mester caba nan
tratamento, pa motibo cu ta algo obligatorio.

Tambe el a laga sa cu nan tin control severo via Directie Volks-
gezondheid DVG y a base di esey nan tambe tin control di
Task Force di e crisis team. Ademas otro casnan como Cas
Aliansa tambe ta dunando un man y e proceso di screening ta
bayendo normal.

El a expresa cu prome cu e situacion di coronavirus, tabatin
personanan adicto cu a drenta den centro y nan ta eyden ai-
nda. Loke nan ta haci pa esunnan cu a pidi ayudo prome cu e
situacion di crisis ta cu nan a hinca un total di 6 persona den
centro. Pero aworaki, pa esunnan cu ta riba caya CAA ta bezig
cu un ‘plan di atake’, pa wak con nan ta bay haci. Aunke nan ta
haya cuminda, el a afirma cu awor e famia ta dunando un man
y poco poco nan lo cuminsa ingresa nan den centro.
Di e plan di atake aki, Comenencia a expresa cu lo por cum-
insa den cuatro of cinco luna, prome cu e aña caba, pa nan por
tin un ‘rehab of detox center’ pa por yuda tur e hendenan cu
ta adicto y cu ta riba caya.

Comenencia tambe a expresa cu te ainda nan no a haya caso-
nan nobo di adiccion ya sea pa video gaming of pa otro sub-
stancianan como droga. Den caso aki el a haci un yamado pa
si den algun momento un persona ta sinti cu e situacion ta
sali for di man cu adiccion pa droga of video gaming, nan
por yama CAA na e numbernan 583-0305 of 584-7377, na e
momentonan di crisis cu personanan mester cumpli cu medi-
danan como toque de queda y shelter in place y cu por causa
depresion y stress.
Den casonan asina, Comenencia a splica cu nan por haci al-
gun excepcion pa casonan di emergencia, pero te momento
no a wordo presenta un caso asina. “Nos ta kere cu e infor-
macion cu nos a duna a funciona y nos kier cu esey por keda
asina”, el a sigura.