Page 4 - bon-dia-aruba-20200429

A4 LOCAL
Diaranson 29 aPriL 2020
‘Deskundig advies’ ta costa casi 1 miyon extra pa 2020

Parlamentario Daphne Lejuez cu pregunta riba presupuesto DOW 2020

ORANJESTAD - Parlamentario independien-
te Daphne Lejuez a manda recientemente un
lista di pregunta relaciona cu presupuesto 2020
di DOW, cu mester haya tratamento ainda. Di
un lista bastante largo nos a scoge algun como
prioridad.

Lejuez ta haci pregunta encuanto e problema di
mantencion di e dos sistemanan di purificacion di
awa sushi, e asina yama Riool Water Zuiverings In-
stallatie (RWZI) na Bubali y na Zeewijk. Su pre-
guntanan ta concerni nan estado malo cu gobierno
mes ta señala den e Memorie van Toelichting di e
proyecto di ley, y kier haya sa kico ta e plannan pa
mehoracion. Tambe kico ta bay ta e gastonan cu esaki
ta encera y cu ta desea di ricibi un resumen di e gas-
tonan pa cada instalacion. Y den caso cu gobierno no
ta dispone di suficiente recurso pa drecha y mantene
e instalacionnan, kico lo ta e plannan pa logra esaki.

Tambe e ta referi na e expectativa (di gobierno) cu e
instalacionnan por bende mas awa procesa den e aña
aki. Mirando e actual estado di e instalacionnan, e ta
puntra si ta un expectativa realistico cu, bao admin-
istracion di Beheer Infra, bao di e post 8413 (dienst-
verlening derden) e entrada calcula di Afl. 2,5 miyon
ta realisable, mirando cu na 2018 tabatin presupuesta
solamente Afl. 864.624.

Ademas ta remarca cu actualmente e mayoria di e
hotelnan no ta opera na Palm Beach pa motibo di
e ciere di frontera relaciona cu e coronavirus Cov-
id-19. Esaki lo por implica cu e instalacion na Bubali
lo no haya tanto awa pa procesa, loke lo conduci na
un bahada di e nivel di awa. E parlamentario ta pun-
tra kico ta e plan mirando e desaroyo reciente aki y si
por comparti un copia cu Staten. Tambe ta puntra si
a considera caba ki efecto e bahada di nivel di awa por
tin como consecuencia pa flora y fauna na e lugar y si
tin un plan traha caba pa esaki.

Lejuez ta observa cu tin den presupuesto un suma
di Afl. 500.000 pa overtime y lo ta desea di haya sa
pa cual obra lo destina esaki y pa haya un resumen
di e oranan extra proyecta y un hustificacion pakico
ta premira cu no por caba e trabaonan proyecta den
oranan normal.

Alavez ta observa cu tin un suma di Afl. 162.500
reserva pa curso y lo desea di haya un lista specifica di
e cursonan planifica y pa ken e cursonan ta destina.

Ta observa seguidamente cu e suma pa ‘deskundig
advies’ a aumenta cu casi Afl. 1 miyon compara cu
2019. E tabata Afl. 1.575.000 y a bira Afl. 2.485.000.
Si por a haya un splicacion al caso pakico e aumento
asina drastico aki y pa cual departamento y proyec-
tonan lo bay usa e suma aki; cu un resumen pa cada
departamento, proyecto y e gastonan presupuesta pa
cada uno.

Finalmente Lejuez ta observa cu na e momento aki
tin truck di container ta coriendo mas tanto riba e
camindanan mas chikito na lugar di e camindanan
mas grandi, por ehemplo Watty Vos Boulevard direc-
cion Balashi. E ta puntra si DOW no tin un mihor
proposicion pa e trucknan aki, ya cu e uso di e ca-
mindanan secundario pa e tipo di trafico aki lo re-
sulta den mas gasto di mantencion pa gobierno.
Tambe kico DOW tin pensa di haci pa, den colabo-
racion cu DIP, acelera e procesonan di verkaveling.
Den e cuadro aki ta puntra tambe kico DOW tin
pensa di haci pa acelera e proceso di permiso pa con-
strui (bouwvergunning) y ta puntra kico ta opinion
di gobierno pa eventualmente reconoce mas arqui-
tecto y civiel ingenieur pa por acelera e proceso aki.