Page 51 - KPA
P. 51
Diamars, 5 December 2017 AWEMainta 39
Corsou
Yu muhé tabata menasá di mata su mama den Redaweg
WILLEMSTAD - Den kareda di 2:30’or
ayera marduga polisnan mester a bai Redaweg
pa asina enterveni entre mama i yu ku tabatin
problema serio ku otro na kas.
Na momentu ku polisnan a yega na e sitio e yu
kual ta un mucha muhé menor di edat tabata
hasi basta ònbekòp i no tabata respeta polisnan
ku tabata na e sitio.
E mucha muhé aki a menasa su mama dilanti
polis ku e lo mata su mama.
Polisnan no a tolera niun tipo di menasa i me-
sora a detene e mucha.
E hobensita aki tabata basta agresivo i polisnan
mester a atende kune ku man duru pa asina por
a bai ku e dama aki. A bai warda di polis kune
kaminda ku a presente dilanti un fiskal ouksiliar.
E gimmick benta karchi festival Tumba 2018 eksito
WILLEMSTAD -- E gimmik ku AMAK i Licores Maduro
a organisá djasabra último, kaminda a pone un kantidat
limitá di karchi disponibel na benta na un preis spesial, a
resultá un éksito rotundo.
For di oranan tempran di djasabra mainta por a mira
fanatikonan di Tumba a kuminsá ta line up pa asina ei ta
esnan promé ku por hasi uso di e oportunidat ku AMAK i
Licores Maduro a ofresé, esta kumpra karchi di entrada pa
mira Festival di Tumba 2018 na un preis spesial.
Na un manera nechi ordená, tur esnan presentá por a drenta
den The Store na Licores Maduro i asina ei kumpra nan
karchi di entrada pa Festival di Tumba ku ya ta kla.
Ta bon pa mustra ku e karchinan di entrada pa 2017 tin un
barcode úniko ku ta keda di scan na momentu ku un hende
drenta Curaçao Festival Center pa presensia e magno evento
kultural di Kòrsou aki.
E públiko ku a akudí masalmente a keda sumamente
satisfecho pa e kambio di sitio i tambe e forma great ku
nan a pasa, ku músika di tumba toka pa un DJ. Ya kaba
por mira ku e ambiente di Karnaval a dal aden, aunke aña
no a kambia ainda. Un danki spesial ta bai na tur esnan ku
djasabra último a yuda den e kampaña aki, pero un danki
super grandi na direktor di Licores Maduro Sr. Omar van der
Dijs i tambe su crew. Festival di Tumba 2018 lo bira grandi.
