Page 10 - AM210930

10 AWEMainta .com Diahuebs, 30 September 2021
Presidente di Corte Supremo di Reino ta

bishita Aruba, Còrsou y Islariba

Presidente di Corte Supremo di Reino, Dineke de Groot, e

siman aki ta bishitando e islanan di Reino den Caribe cu
excepcion di e islanan BES.
Corte Supremo te maximo y ultimo tribunal di apelacion
pa casonan di tur nos islanan den Caribe y ta danki cu a
flexibilisa e reglanan di pandemia cu e por haci e bishita di
trabou pa crea e comunicacion entre Caribe y Hulanda.

Durante su bishita lo e sera conosí cu tur mandatario
manera Goberndor interino di Aruba, señora Yvonne Laclé-
Dirksz, Goberndor Lucille George-Wout, Gobernador di Sint
Maarten Eugene Holiday, e Premiernan Evelyn Wever Croes,
Gilmar Pisas, Silveria Jacobs, e Huesnan y directivanan
di Corte di Husticia, Asociacion di Abogado y Ministerio
Publico.

Alabes lo e dicta cátedra na Universiteit van Aruba y

University of Curaçao tocante e instituto cu e ta presidi. E
señora a bira Presidente di Corte Supremo aña pasá y ta
promé Presidente femenino dje tribunal maximo di nos
Reino siendo cu e mes ta Hues mas di 30 aña caba.

Despues di a gradua komo Hues na 1996 el a traha na Corte
di Amsterdam y Arnhem. E ta miembro di Corte Supremo for

di 2018 y ta catedratico èxtraordinario na Vrije Universiteit
Amsterdam.

21 Parkeervak pa Statenleden

For di diaranson 29 di september 2021 for di 7’or di mainta 21 parkeervak n’e parkeerplaats

di Renaissance Marketplace lo wordo reserva pa Statenleden te cu 7’or di anochi.
DOW ta pidi automobilistanan pa por fabor no haci uzo di nan. E parkeervak ta wordo indica cu strepi geel
y un borchi.