Page 6 - AM210930

6 AWEMainta .com Diahuebs, 30 September 2021

Accion di planta matanan pa restaura

biodiversidad y ta resiliente na cambio di clima

Siman pasa, varios organisacion local di naturalesa
y otro organisacionnan activamenta a participa den
eventonan cu un enfoke riba cambio di clima. Cambio
di clima ta extenso, rapido, y intensificando, y e
actividadnan humano t’e causa primordial. Influencia
humano como resultado di desaroyo no sostenibel,
manera e perdida of degradacion di areanan natural,
ta creando evento climatologico extremo, incluyendo
dianan mas calor, awasero torencial, y temporada di
secura mas frecuente y severo.

Un di e mihor maneranan pa combati cambio di clima
ta pa planta palo y matanan nativo den un esfuerso
continuo. Palo y matanan nativo ta forma e fundeshi
pa ecosistemanan resiliente na cambio di clima y
nan servicionan pa humanidad, cual t’e motibo cu
varios organisacion local a unifica nan forsa pa haci
Aruba uno mas saludabel dor di accionan pa restaura
abundancia y diversidad di palo y matanan pa nan
funcion ecologico.

E accion aki ta uno specificamente pa substancialmente
restaura ecosistemanan degrada y su biodiversidad.
Ecosistema biodiverso ta ecosistemanan naturalmente
diverso y saludabel pa bida. Cu e accion di planta
palo y matanan nos meta ta pa hisa e biodiversidad
di palo y matanan nativo, como resultado lo hisa e
biodiversidad di bestianan salvahe, y tambe medio
ambientenan mas saludabel y resiliente na cambio di
clima. Cu esaki den mente dos actividad di planta palo
y matanan a tuma lugar den fin di siman como parti
di e colaboracion cu a cuminsa na 2020 entre varios
organisacion no gubernamental di naturalesa aki na
Aruba.

Accion di planta na Parke Nacional Arikok
Dia día 25 di september, 9 especie di palonan nativo a
wordo planta den Parke Nacional Arikok. E escogencia
di especienan di palonan p’e evento aki tabata basa
riba nan funcion ecologico of ta na peliger di disparce
na Aruba, manera Supi/Asufro (Pereskia guamacho),
cu solamenta algun ehemplar den naturalesa.

Tin un cantidad asina abou di palo y matanan nativo
tin un impacto negativo riba e biodiversidad, salud di
e ecosistema, y abilidad pa ta resiliente na cambio di
clima.
Durante e actividad di planta palo y matanan na
Parke Nacional Arikok, rangers y team di maneho di
Fundacion Parke Nacional Aruba, hunto cu partnernan
di organisacionan no gubernamental

Ban Lanta y Planta – Trees for Aruba, StimAruba, y
Aruba Birdlife Conservation, y bisiñanan di parke
nacional, a traha hunto pa planta e palonan, haciendo
e actividad aki un esfuerso comunitario bunita pa hisa
e biodiversidad y ta resiliente na cambio di clima.

Accion di planta na Marinierskazerne Savaneta