Page 5 - AM210930
P. 5
Diahuebs, 30 September 2021 AWEMainta.com 5
Dos atracador den minimo di ora a keda deteni
Tabata ayera diarazon pa mas o menos
12:25 Central di Polis a wordo notifica di un
atraco a tuma lugar riba Brazil Food Center.
Na yegada di patruya por a compronde di
e doñonan di e supermercado cu ta trata di
dos hende homber jong. Tur dos tabata tin
arma di candela.
Un di e sospechoso tabatin un camisa
shinishi bisti, jeans preto, muts preto color
di cuero licht bruin.
E di dos sospechoso tabatin camisa shinishi
tambe, pero cu jeans blauw bisti y muts blauw
scur. Tur dos ta papia bon Papiamento. Nan
bay cu mas o menos afl 1000,-. Nan a huy
na pia direccion pariba.
Diferente unidad di Polis a cuminsa cu
un busqueda pa pone man riba e dos
sospechosonan.
Atraco Team a presenta, Polis Tecnico y
tambe Slachtofferhulp.
Un rato despues na altura di Weg Rooi Congo
a logra pone man riba e dos atraconan. Polis
no a suministra nan identidad, pero ta trata
di dos persona hoben.
