Page 28 - MIN ECEM 16 JUNE 2017

Minister a mustra cu dentro di algun siman

dump na Parkietenbos no lo ta den servicio

mas

- Advertisement -

ORANJESTAD (AAN): E situacion di dump na Parkietenbos tabata uno hopi fastioso
unda cu diaranson anochi 14 di Juni tabatin un candela grandi na e dump. E vlamnan cu

tabatin riba dump tabata saca huma preto y ta causa daño na e medio ambiente y no ta
algo responsabel. Minister di Turismo, Transporte, Energia y Medio Ambiente, Ing. Mike
de Meza ta haya cu e situacion aki no por sigui manera e tabata bayendo.

Den pasado a purba bou di diferente Gobierno, di yega na un solucion, di cual esaki no
ta facil. Minister de Meza a opta pa cera e dump pa evita cu cosnan sigui manera ta
bayendo. Den pasado no tabatin hopi hende cu tabata preocupa pe situacion pasobra
nan tabata contento cu tin dump y ta yega tira tur cos eynan. Awo e luga a satura y e

situacion aki no por sigui asina. Un biaha mas dump tabatin un candela grandi y e
situacion aki ta uno inaceptabel.