Page 25 - MIN ECEM 16 JUNE 2017

Dentro di poco dump na Parkietenbos

no lo ta den servicio mas

Posted on 06/16/2017 9:31 am AST | Updated on 06/16/2017 9:32 am AST

ORANJESTAD- Dentro di algun siman dump na Parkietenbos lo no ta den
servicio mas. Asina minister di medio ambiente Mike de Meza a declara
den un comunicado. Manera ta conoci, e situacion di dump na
Parkietenbos tabata uno hopi fastioso unda cu diaranson anochi 14 di Juni
tabatin un candela grandi na e dump. E vlamnan cu tabatin riba dump
tabata saca huma preto y ta causa daño na e medio ambiente y no ta algo
responsabel. De Meza ta haya cu e situacion aki no por sigui manera e
tabata bayendo.

CERA DUMP PA EVITA SITUACION ACTUAL

De Meza a opta pa cera e dump pa evita cu cosnan sigui manera ta bayendo.
Segun e mandatario den pasado no tabatin hopi hende cu tabata preocupa pe
situacion pasobra nan tabata contento cu tin dump y ta yega tira tur cos eynan.
Awo e luga a satura y e situacion aki no por sigui asina. Un biaha mas dump
tabatin un candela grandi y e situacion aki ta uno inaceptabel.

PRESION DEBI NA CANDELA

E situacion despues di e candela di diaranson anochi a pone cu e ministerio di
Medio Ambiente lo mester bay acelera e proceso. De Meza a papia cu
coleganan Eman y Sevinger y cu mas persona di e comision, unda cu de
Meza a anuncia e anochi aki cu aki algun siman e dump no lo ta den servicio
mas.