Page 20 - MIN ECEM 16 JUNE 2017

AWEMainta Diabierna, 16 Juni 2017 35

Mid-year party 2017

Playa Linda ta celebra

su extraordinario

miembronan di ekipo

E tradicion annual di un “mid-year party”, organisa dor di Playa Linda
Beach Resort, un biaha mas a yuda reconoce su team, kendenan contribu-
cion combina a fortifica e resort su reputacion excelente pa hospitalidad.
Pa mas cu 15 aña largo, Playa Linda a expande su gradicimento anual na
empleado for di un celebracion di fin di aña, pa tambe inclui un fiesta
mitar di aña.
E aña aki, e evento a tuma lugar na Casibari, a hiba e tema di ‘black &
white with a touch of gold’ y completo cu un cena di BBQ y DJ Mark
Benson su mix di musica bailable.

“Nos ekipo ta na e centro di nos exito,” asina director di Recurso Hu-
mano Sulaika Kelly ta splica. “E ta nos abilidad pa ofrece nos nivelnan
mas halto di servicio na cliente cu ta yuda Playa Linda distingui su mes.
Nos ta haci esaki dor di inverti den nos team pa medio di training como
tambe buscando formanan adicional pa ofrece apoyo y mustra nos aprecio
pa loke nan ta logra tur dia pa huesped di e resort.”

Como un team uni den trabou, empleadonan di Playa Linda tambe ta
bini hunto pa hunga, gosa di un camaderia natural durante di un anochi
di paseo cu coleganan.
Rifanan a ser tuma durante di e mid-year party pa yuda eleva e celebra-
cion, y provee un danki special na e empleadonan.

Pa mas cu 30 aña, Playa Linda Beach Resort a sa di ta un estimado “hogar
leu di hogar” pa tanto huesped como empleado. Playa Linda ta un top
timeshare di Aruba cu ta mantene un ambiente di escala halto como
tambe un sentimiento di comunidad, y ta especialmente orguyoso di su
miembronan di ekipo talentoso cu semper ta cla pa comparti e miho di
nan mes cu bishitantenan.