Page 5 - AWEMAINTA

Dialuna, 9 December 2019 AWEMainta 5

Dama Venezolana

atraca diadomingo

madruga na Hooiberg

DIADOMINGO madruga a sosode un atraco arma

riba un dama Venezolana na Hooiberg. E atraco riba
su mes na nos parece ta un poco raro.

E dama aki segun nos a compronde ta bende mercancia

di Venezuela, pues pasando di cas pa cas.
Diadomingo madruga pa 1’or informacion ta drenta

na Polis di un atraco arma na Hooiberg.

Polis cu a yega n’e adres a haya e dama Venezolana

bou lagrami y a conta agentenan kico a pasa.
Segun su version, “nan” lo a yame p’e pasa cu e

mercancia pasobra nan lo ta interesa.
Ora el a yega dicho adres, e lo a cay den e trampa y

aki ta unda un of mas persona a sali cu arma riba dje

y bay cu tur cos.
Parse cu e mercancia tabata consisti di joyas, paña,

zapato y su placa.

Segun e dama, e placa ey mester a bay Venezuela

awe, ta placa cu nan ta biba di dje. El a sigui conta

cu e no conoce atracadornan, y cu segun e parse
hendenan jong.

N’e sitio por a scucha cu e atracadornan a move den
un Nissan Cube. Polis a tuma tur dato posibel y avisa

Atraco Team y BFTO.