Page 6 - AWEMAINTA

6 AWEMainta Dialuna, 9 December 2019

Accidente entre dos auto RHD a

laga un hoben seriamente herida

DIADOMINGO mainta a sosode un acci-
dente basta grave na Pos Chiquito cu dos
persona herida.

Tabata rond di 5’or di mainta cu habitan-

tenan ta scucha un zonido masha duro pa
bin tende despues cu tabata trata di un ac-
cidente cu a caba di tuma luga, net na final

di Pos Chiquito pa drenta Savaneta.

E dos vehiculonan envolvi tabata un Toyo-
ta Aqua y un Audi, ambos RHD. Esaki ta-
bata e salbacion di e chauffeur hoben, di e

Toyota, cu a resulta gravemente herida.

E chauffeur hoben a caba di baha algun
amigo na Pos Chiquito y tabata di bay Sa-
vaneta pa cumpra algo di come. E tabata

biniendo for di e caminda di Rooi Lamoechi

y a subi caminda pa bira na man robez y
bay Savaneta ora cu e Audi biniendo abou
a dal flat den dje.

A causa di e impacto e Audi a keda na ban-
da drechi di e caminda grandi, bayendo di-
reccion abou, mientras e impacto a manda

e Toyota Aqua completamente na e otro

banda di caminda, mas cu 50 meter for di
e punto di impacto, net pariba di Oduber
Welding Shop.

E prome polis, femenino, cu a yega na e

sitio, a keda cu e hoben tratando di calme,
mirando cu e tabata hopi onrustig, te ora
cu ambulance a yega.

Den dos diferente ambulance a transporta

e dos chauffeurnan pa hospital, unda e ho-
ben tabata esun mas grave.
Por bisa cu tur dos auto a keda total loss.