Page 12 - AM211020
P. 12
12 AWEMainta .com Diaranson, 20 October 2021
Alumnonan di Colegio Nigel Matthew
a participa na actividad di FAVI
Diabierna siman pasa enconexion cu dia international
di garoti blanco strepi cora, alumnonan di Colegio
Nigel Matthew a participa na diferente actividad di
FAVI.
Actualmente na Colegio Nigel Matthew tin dos
alumnonan den CB3 completamente ciego.
Nan compañeronan di klas a siña skirbi braille y a
participa na diferente actividad wowo tapa. Nan a
experiencia e reto pa basha awa y come sin por mira.
Tambe nan a expieriencia con nan compañero di klas
ta mobilisa di un klas pa otro cu nan garoti riba tereno
di scol.
E meta ta pa nan companeronan di klas compronde un
hoben ciego y e retonan cu e tin cu tuma pa por participa
na comunidad na un manera mas independiente
posibel.
FAVI ta percura diariamente pa tur alumno cu
limitacion di bista tin e oportunidad pa forma parti di
nos enseñansa.
Si bo nota cu bo yiu of alumno den klas tin un dificultad
cu su bista tuma contacto cu FAVI na 582-5051 of 582-
5222 y nos lo guia y sostene bo yiu of alumno.
FAVI kier enfatisa pa no warda te ora e bista bai mas
atras pa buska ayudo. Specialmente bou nos hoben
nan cu mayoria vez por pone nan cuido di bista na
prome lugar.
