Page 8 - AM211020
P. 8
8 AWEMainta .com Diaranson, 20 October 2021
Basta daño material den accident
entre tres auto na Rooi Santo
Diamars algo prome cu 10 or y mey di
mainta a sosode un accident riba e caminda
di Rooi Santo.
Un Diahatsu Blanco cu tres ocupante
tabata biniendo di pazuid y a bay lora na su
man robes pa bay direccion pabou, su tras
tabata tin un Kia Rio Blanco maneha pa un
homber, kende pa un of otro motibo a hala
na banda drechi y a bay dal e Daihatsu
den banda, net na momento cu e Daihatsu
tabata lorando.
Despues di a dal e Daihatsu, e chauffeur di
e Kia lo a perde control y a sigui bay, e la
baha caminda na su man drechi, unda cu
e la ranca un mata di coco y djey a bay dal
contra dos pickup cu tabata staciona dilanti
un oficina di un compania di windsurf.
Niun persona a resulta seriamente herida,
pero a pidi pa presencia di ambulance
pa un control medico pa chauffeur di e
Daihatsu, kende tabata sinti su braza.
E daño material tabata considerabel. Tur
auto nan documentonan tabata na ordo.
A N U N C I O
SETAR ta informa cu lo tin trabounan di
mantencion riba diahuebs 21 di oktober
2021 di 7:30 am pa 4:00 pm.
Bario afecta lo ta:
Caya E.O. (Netto) Petronia (un parti)
Caya Frere Arnold (un parti)
Caya Maguey (un parti)
Caya Frere Vincentius (un parti)
Datustraat (un parti)
Dabaruidastraat (un parti)
Pitastraat (un parti)
Santa Helenastraat (un parti)
Brebastraat (un parti)
Ponton (un parti)
Nos disculpa pa cualkier inconveniencia.
