Page 2 - AM230810

2 LOCAL AWEMainta
Scol Soeur Julliette ta cuminsa aña
nobo cu mesun problema di airco
Situacion inhumano dor di calor
ia prome di Augustus ultimo, a drenta na vigor e ley di
D7% di BBO na frontera cu gobierno a haci pura pa apro-
ba esaki, pa asina e por haya ainda nan suma di algo mas cu
50 miyon florin extra den caha di gobierno. Tur e placa aki, e
aumento extra di BBO for di aña pasa, medidanan aki y me-
didanan aya pa trece miyones extra aden, NO tabata sufici-
ente pa Gabinete Wever Croes II, por a bin dilanti y yuda es-
unnan den mas necesidad.
Un ehempel di e situacion aki, ta e otro siman aña escolar
nobo ta cuminsa y hopi scol ainda ta confrontando proble-
manan serio pa inicio di e periodo nobo aki, pa no papia mes
di e alumnonan y mayornan di esakinan caminda placa no ta
suficiente ni pa come, corda pa paga placa di scol, placa pa
airco y riba dje cumpra uniform nobo.
Ta sumamente tristo ora cu pa di tres aña consecutivo por
tuma nota cu Scol Soeur Julliette cu antes tabata conoci
como Emmaschool, lo habri otro aña escolar faltando varios
local cu no tin airco cu sin duda den e temporada aki, ta
algo hopi cruel pa somete e muchanan na algun tempera-
tura demasiado halto.
Un temperatura cu ta haci hende grandi malo contra cria-
turanan cu tin su sinta oranan largo den un local cu no tin
aire fresco circulando te ora cu nan regresa nan cas.
Den pasado a ser mustra cu e scol aki a situa na Ayo riba un
sero pero ora cu a dicidi di lanta e muraya di scol cu bloki
y otro pida cu beton puro mescos cu muraya halto di un
stadion di futbol, pues no tin aire fresco ta circula mas den e
local nan cu no tin airco, pues e necesidad ta grandi.
Ya caba directiva di e scol a manda carta pa diferente
instancia y pa Ministernan di Enseñansa pero no a ricibi
ningun reaccion, corda pa tin un solucion y e situacion cu tin
na e scol, ta pone cu tanto maestronan como e muchanan,
ta sinti malo durante di lesnan y ta haya dolor
di cabes y hasta tin cu saca.
Diahuebs, 10 Augustus 2023
No ta ningun sorpresa cu tin trahadonan na e scol cu awor
sufriendo di presion ya cu e calor ta insoportabel y mas
ainda den un periodo cu rond mundo ta anunciando cu
proximo temporada cambionan di clima lo percura pa un
calor inmenso den varios region rond mundo.
A informa gobierno y otro departamentonan di e situacion
aki caminda tabatin dianan cu a laga studiantenan bay cas
ya for di 11’or of 11.30 ya cu e calor tabata insoportabel
mientras cu maestronan y otro oficialnan a drenta un local
cu tin airco pa sigui haci nan trabou di tur dia.
For di aña pasa a cuminsa instala airco na e scol pero no
tabatin suficiente pa henter scol pero mita di e totalidad
mientras cu 50% di e local nan caminda a instala airco,
esakinan no tabata funciona pa falta di material y aparato
pa pone esakinan funciona y ainda den porta di otro aña
escolar nobo, nan ta den mesun situacion.
E scol tin un ‘magazijn’ caminda materialnan di e scol y otro
aparatonan ta daña of ta bay perdi pa motibo cu no tin airco
y e cayente cu ta circula den e localidad aki, ta haci hopi
daña, mientras cu ta algo horibel pa e assistentnan cu tin cu
traha den e ‘magazijn’ aki.
Faltando solamente 8 dia pa aña escolar nobo cuminsa, e
situacion di e scol ta sigui mesun cos y hasta por tribi di
mustra cu e lo bira ainda mas pio mirando e pronosticonan
di tempo cu tin na momentonan aki.
Riba dje ta temporada di horcan caminda te cu luna di
November venidero lo tin periodonan cu lo tin hopi biento ta
supla pero tambe dia y simannan cu esaki ta practicamente
plat y cu hopi calor.
Mayoria di Ministernan ta den exterior gosando di nan vaca-
cion pero no tin placa pa yuda un scol y su alumnonan
manera Scol Soeur Julliette!!!