Page 4 - AM230810

4 LOCAL AWEMainta
Rycond do Nascimento cu partido nobo
cla pa reforma gobierno y Parlamento
iamars anochi den e programa di Tito Lacle, e
DParlamentario independiente Rycond Santos do
Nascimento, a anuncia oficialmente cu el a caba di
lanta un partido politico nobo, cu lo carga e nomber
di ‘Lucha Pa Reforma. Segun su declaracion ya cu
proceso legal pa oficialisa e partido ta practica-
mente cla caba y hasta a registra e partido na Con-
seho Electoral y falta masha poco pa tur cos keda cla
y asina habri caminda pa su partido LPR, participa
den e siguiente proceso electoral.
Do Santo a divulga su plan riba pregunta di e
moderado Tito Lacle cu practicamente tur siman tin
un figura conoce den su programa caminda anteri-
ormente Otmar Oduber tabata e invitado special.
E anuncio no a sorprende mundo politico di Aruba,
ya cu desde cu el a anuncia su retiro for di partido
AVP y a declara su mes miembro independiente den
Parlamento, Rycond a ser liga na varios partido pero
caminda ningun di nan a mustra interes pa realmente
brasa su persona pa forma parti di un di e organ-
isacionnan aki. Desde su salida for di AVP e politico a
presta su mes di mas tanto cuestiona e politico di e
partido na cual el a uni su mes pa eleccion di 2021,
esta AVP y tambe a cuestiona e forma di hiba politica
Diahuebs, 10 Augustus 2023
Analisis
y di goberna di tanto AVP como partido MEP.
Tambe a liga Rycond c’un posibel entrada cu partido Accion21 di Miguel
Mansur pero den un entrevista algun dia atras e parlamentario a nenga cu tin
combersacion ta tumando luga y awor speculacion a practicamente termina,
cu e anuncio cu el a haci den e programa di Tito Lacle.
Ta un decision di hopi sumamente riesgo caminda sea do Santos ta crea un
bon base pa yega na alcansa un cambio politico cu lo debilita e dos organ-
isacion politico mas grandi di Aruba cu ta AVP y MEP of e lo perde na e hori-
zonte politico di Aruba cu hopi politico a mira y nunca a logra bandona e zona
aki.
E palabra reforma ta uno hopi grandi, sigur den seno politico, ya cu pa logra un
reforma manera cu do Nascimento a anuncia, esta tanto pa loke ta e aparato
gubernamental, iniciando cu Parlamento, e ta rekeri di tin un base solido su
tras den parlamento. Hopi a papia di reforma den prome y despues di ultimo
procesonan electoral pero ningun a bira realidad ya cu e situacion politico di
e pais, ta sigui cambia y Aruba tin un pueblo votado cu ta hopi tradiciona-
lista y ta sostene partidonan tradicional y no tin mucho confiansa den organ-
isacionnan politico nobo cu ta bin awe y disparce for di scenario den corto
tempo. Un ehempel di e mentalidad politico tradicional di un pueblo tradi-
cional, ta e forma con Otmar Oduber a dicidi di forma su propio partido POR
pa eleccion di 2017 caminda den eleccion di 2013, el a logra un total di 4008
voto personal.
Anunciando cu su meta den eleccion di 2017 tabata pa e kibra e barera di 5
mil voto personal, el a wordo decepciona ya cu el a perde mas cu 50% di su
sostenedonan ora cu el a logra solamente 1808 voto. Mesun cos a sosode cu
Andin Bikker, kende como lider di partido PDR na 2013 tabata bon pa 3047
voto pero como number 2 riba lista di POR den eleccion di 2017, Bikker a bin
cay tambe cu 50% c’un total 1086 voto.
Marisol Lopez Tromp tambe den eleccion di 2013 como candidato number
29 riba lista, a logra un total di 1642 voto persona pero ora cu el a dicidi di
sostene Otmar Oduber cu su partido nobo, Marisol a perde mas cu 60% di su
votadonan, pues pa mustra kico por pasa na momento cu tin e tipo di cambi-
onan aki. Rycond Santos do Nascimento den eleccion di 2021 caminda pa
prome bes el a subi lista di un partido politico, a logra un total di solamente
214 voto personal y a bira un decepcion grandi di e partido berde.
Reforma por tin un nificacion hopi amplio y ora cu ta papia di reforma aparato
gubernamental y Parlamento, esaki lo bira un tarea cu hopi politico grandi a
purba pero nunca a logra!