Page 3 - AM230810

Diahuebs, 10 Augustus 2023 AWEMainta LOCAL 3

Ekipo deficiente di cuerpo di

bombero ta permiti auto kima full

uerpo di Bombero a mustra malo
Cayera mainta, ya cu nan a ranca
Sali pa yuda un ciudadano kende su
auto a pega candela pero contrario na e

homber a spera, esunnan cu el a yama
urgentemente pa yuda paga e candela
pa scapa e auto, no por a haci algo. E
homber cu ta un cabayero pensionado,

mainta tempran a lanta bay oficina di
Elmar na San Nicolas pa cumpli cu su
obligacionnan pa loke ta awa y cori-
ente.

Ora cu el a caba y a drenta su auto
bek, na momento di start e motor el a
scucha un zonido straño sigui pa huma

y vlam cu tabata Sali for di e motor
y mesora el a baha y a bati alarma
yamando Central di Bombero na San
Nicolas, cu por cierto a yega rapidam-

ente pa e sitio.
Pero loke e bomberonan a gana na
tempo nan a perde esaki por completo
cu deficiencia di e truck cu nan a bin

cu’ne pa paga e candela ya cu e auto
no tabatin awa den e truck y pa colmo
tampoco nan tabatin e aparatonan di
paga candela di foam y asina no por a

haci mucho cos pa yuda e pensionado
aki.

Un rato despues personal di Elmar

a Sali cu dos di e aparatonan aki cu
bomberonan a uza pa paga e candela
pero ya na e altura ey, e motor a kima
por completo, e dashboard a sufri daño

dor di e cayente y e windshield tambe a
rementa y a bay perdi.
Ta tristo loke a pasa caminda un
pensionado a sufri e tipo di calamidad

aki, cumpliendo cu su obligacionnan
como ciudadano y en berdad no por
culpa bomberonan pa e caso aki pero
si tin cu cuestiona e forma di procede

aki ya cu ta con por ta posibel cu nan a
sali c’un truck cu no tin awa y tampoco tabatin e aparatonan di paga candela riba e truck.