Page 14 - AM210916

14 AWEMainta .com Diahuebs, 16 September 2021

Chauffeur betra ta bandona accidente

y ta laga atras pasahero herida

Diamars anochi den careda di 9’or, a pasa un
accidente na Rooi Koochi unda un Tercel cora lo a
causa un accidente basta fuerte. Segun informacion,

consumo di alcohol tabata envolvi.

Ta trata di e chauffeur dunando su amigo un lift pa

su cas, ora cu el a desvia y a dal cu impacto fuerte
den un pal’i luz.

E palo no ta mustra ningun daño, pero e auto a keda
na werki parti dilanti man robes, e bumper a keda

completamente ranca for di e auto y e windshield a
scheur completo, entre otro.

No ta conoci si e chauffeur a keda herida, pasobra
el a bandona e sitio. E pasahero si a keda cu un kap
grandi na su cabes. Polis y paramediconan tabata
presente y a atende c’e homber herida.

Mortonan ta sigui cay

Mientras cu casonan ta bahando, pero
Segun resumen di DVG di ayera, 20
persona a recupera y un total di 26 caso
nobo di Covid-19 a keda registra, di cual
4 ta no-residente.

E cifranan aki ta representa un ‘positivity
rate’ bou di nos residentenan di 8%. E
cantidad di casonan activo di Covid-19
p’ayera ta 336 y cantidad di fayecidonan

relaciona cu Covid-19 ta 156. Maske ayera
mainta un otro persona na Colombia a
fayece a consecuencia di Covid, haciendo
e cifra 157.

Datonan ta ilustra casonan nobo di
Covid-19 cu un averahe semanal di 28
caso pa dia y un averahe di ‘positivity

rate’ semanal di 12% pa dia.

Actualmente na Aruba tin 32 persona
interna debi na Covid-19 di cual den ICU

tin 4 caso activo y 2 caso post Covid-19
y riba piso general tin 14 caso activo
y 12 caso post Covid-19. Na Colombia
tin actualmente 24 persona den Cuido

Intensivo, di cual uno a muri ayera.