Page 6 - AHATA

10 INTERNACIONAL AWEMainta Diaranson, 1 November 2023

Durante e gala di Ballon D’or

Lionel Messi ta logra su di ocho titulo

como Futbolista Mundial di aña

ialuna, durante e ceremonia di e Balon di Oro na Paris, a
Dnombra Lionel Messi como e Futbolista Mundial di Aña.

E Argentino di 36 aña, a ricibi e premio aki pa di ocho biaha
den su carera, superando Erling Haaland (di dos) y Kylian
Mbappe (di tres).

Tin di destaca cu Messi, cu actualmente ta hunga den Inter
di Miami, a converti den e prome Ballon D’or cu ta hunga
pafo di Europa, aunke esaki ta den gran medida un formal-

idad. E premio ta tene na cuenta e actuacionnan entre
augustus 2022 y juli di 2023, periodo durante cual e super-
strea Argentino a pasa e mayor parti di tempo representando

Paris Saint-Germain.

E eleccion di Messi p’e premio tabata hopi influencia p’e
fecha di 18 di december 2022. Riba e dia aki, Messi a hiba

Argentina p’e victoria den e Copa Mundial di FIFA, marcando
shete gol, dos di nan den e final y ganando e reconocemento
como miho hungado di e torneo.

Messi a ricibi su di ocho Balon di Oro den Theatre du Chatelet
di Paris, despues di a gan’e anteriormente na 2009, 2010,
2011, 2012, 2015, 2019 y 2021. Cu e logro aki, e ta amplia
e distancia cu ta separ’e di su eterno rival y colega, Cristiano

Ronaldo. E Portugues di 38 aña, a gana e premio den cinco
ocasion, pero e biaha aki no a nomin’e.

E dies ultimo ganadonan di e Balon di Oro ta lo siguiente:

2014: Cristiano Ronaldo
2015: Lionel Messi
2016: Cristiano Ronaldo
2017: Cristiano Ronaldo

2018: Luka Modric
2019: Lionel Messi
2020: No tabatin ganado debi n’e pandemia.
2021: Lionel Messi

2022: Karim Benzema
2023: Lionel Messi