Page 22 - UTILITIES
P. 22
6 Djabièrnè 29 Yüni 2018
Gasolin, gasoil,
koriente i awa
ta bolbe subi
WILLEMSTAD.– Gobièrnu
ta informá di kambionan
den preis di gasolin, disel,
koriente i awa. Entrante 3
di yüli 2018 te próksimo
aviso e struktura di preis
nobo pa e produktonan
Mogas 95, Gasoil LSD. E
subida di e tarifa di gasolin
ku kasi 8 sèn ta resultado di
un subida supstansial den e
preisnan di kompra i tambe
den e komponentenan
di korekshon Surplus/
Défisit. Tambe a inkorporá
un ahuste di e Márgen
di komersiante pa e
produktonan akí. E subida
di e tarifa di disel ta ku algu
mas ku 12 sèn (0,128).
E tarifa usuario final pa
e produktonan (gas) LPG
100 lbs i LPG 20 lbs no ta
kambiá.
Na mes momentu
a partisipá tambe ku e
tarifanan di elektrisidat i
awa entrante 1e di yüli 2018
lo keda kambiá. Ta trata di
un subida di tarifa pa awa
i elektrisidat. E subida ta
partikularmente resultado
di oumento di gastunan di
kombustibel i un faktor di
korekshon mas haltu ofer
di e luna di mei siguí pa e
desviashon di e produkshon
miksto realisá respekto e
planifikashon.
