Page 8 - HOH

Diabierna 10 di Juni 2022

LOCAL
Pashent incapacita a keda

warda riba ambulance

ecientemente tabatin un problema pa haya ambulance,
Runda cu gerencia a bini dilanti y a duna un splicacion pakico
no tabatin ambulance disponibel.
Lamentablemente eno a keda na e caso ey so. E siman aki un
ciudadano invalido tabatin mester di ambulance y e tambe a
keda spera sin cu e vehiculo aki a yega pa transporte. Tristo di
esaki ta momento cu e ciudadano aki a expresa su pensamento
riba red social, el a haya masha hopi critica innecesariamente.

Tur hende por corda Chaldira Vis y por corda e trahedia cu el a
pasa den dje y cu a lague sin por move. E ta depende totalmente
di otro hende. Despues di e sucedido el a dicidi di bay Hulanda
cu su yiu. Aunke cu na Hulanda tin miho forma pa personanan
cu problema di salud manera Chaldira, e tabata hopi duro p’e pa
keda aya leu di tur su famia. El a tuma e decisión pa bolbe Aruba
pa e tin familiarnan rond di dje.

Loke cu a pasa cu ne e siman aki tabatin cita cu su specialista y e
profesional aki ta esun cu a regla pa ambulance busk’e pa hib’e
cerca dje.

Di loke Chaldira a skirbi por a lesa cu e mainta ainda el a haya un
departamento di Ambulance avisando e ora cu nan lo recoge pa
hib’e specialista. Despues di esey ta oranan di frustracion cu el a
pasa aden. EL a sinta spera pero ni holo di ambulance. El a trata
di tuma contacto cu su specialista y departamento di ambulance
pero niun hende tabata contesta telefon. Su frustracion tabata
pa e hecho cu e no ta haya contesta y si ambulance tabata druk,
nan tin un buki di cita. Cualkier persona di e departamento por
a mira den e logbook, cual ta e trabounan cu ta pendiente, mas
ainda si nan a haya nan mes den cualkier emergencia. Pero
ningun hende a yama pa avisa cu nan no ta logra haci transporte
e dia ey mes.
Tristo ta cu tabatin un grupo di persona cu atake y a trece e
sucedido di pasado dilanti atrobe. Probablemente e reaccionnan
aki a bini pasobra el tag Prome Minister den e comentario cu el a
haci, unda el a expresa su disgusto pa e falta di profesionalismo
di Ambulance. Pero mas cu tur cos, e falta di comprension y e
derecho riba cuido cu tur hende, tambe esnan invalido tin.

2