Page 5 - AWEMAINTA

Diahuebs, 28 December 2017 AWEMainta 5

Pashent cu no por a haya luga
den PAAZ a lanta cu su mama

NA momento cu dr. Horacio Oduber Hospital ta fir-

mando un acuerdo pa e fundación nobo RESPALDO
c uta bay guía cuido psikiatrico na Aruba, ta presente
un caso na Dakota c uta demostra e necesidad grandi
pa un cuido mas specialisa den e ramo aki. E cambio
aki sigur lo yuda un grupo na Aruba cu mester di e
ayudo necesario.
Ya caba den pasado tabatin diferente caso criminal cu
a sosode, cu por a evita si e pashentnan aki por a haya
e tratamento y guía necesario. Un di e ultimonan ta-
bata e caso unda un Polis a tira un pashent di Paaz
cu a dal un colega cu un bloki. Dos vida a bay perdi y
diaranson mainta tabatin otro caso cu por poco a sali
for di man.
Diaranson mainta un batayon di polis a bay un cas
poco pariba di rotonde di Dadelstraat, caminda un
yiu homber a bira loco. E prome informacionnan a
indica cu e yiu homber lo ta arma cu varios cos, entre
otro te hasta un arma di candela.
Patruyanan tawata yegando di tur caminda, pa reen-
forsa e coleganan, mirando cu e señora cu a yama a
bay sconde den un camber pa su siguridad.
Na yegada di patruya nan a topa cu e cabayero cu ta
un pashent di Paaz, pero no a constata cu e tin arma
of algo por el estilo cune, solamente un pida palo.
Na e sitio por a compronde cu un dia prome ya pa-
truya a bay e adres aki, pa e mesun persona aki. A
haci anotacion di e caso aki y slachtofferhulp tambe a
wordo avisa. Esaki ta di e dia prome.

Famia a avisa polis tambe cu e persona aki lo tin un
malesa contagioso y por a wak e agentenan bisti cu
latex gloves, pa proteha nan mes.
Prome cu nan a transporte a pidi pa ambulance, pa
nan control’e. E lo mester wordo interna den Paaz
awor. No ta conoci si ta debi na luga den Paaz cu e no
ta eyden ainda. Algun siman atras Paaz tawata com-
pletamente yen y no por a tuma niun pashent extra.
Patruya na final a hay’e ta hiba e yiu Poli, ban spera
e lo por haya su tratamentonan adecuado y tambe
wordo interna pa siguridad di tur hende.