Page 9 - HCCA 17 March 2015
P. 9
Dr. Horacio E. Oduber Hospitaal ta honra Yvonne Dingelhoff
Monday, 16 March 2015 16:21
Comparti
Siman pasa Clinica di Dialyse di Dr. Horacio E. Oduber Hospitaal tabata di fiesta, pasobra a honra un di
nan empleadanan stima cu e titulo di “Empleado di Luna” di Februari 2015.
Yvonne Dingelhoff, kende ta trata como nurse na Departamento di Dialyse, a yega trabao, pone su
pashentnan na mashin pa tratamento di dialyse y net despues su Zorgmanager Caroline Rafaela a busk’e.
El a protesta un poco, kisas dor di nervio pasobra e mester a kita su bril. Den tur e bay-bin Zuster Rafaela
a logra di yega cune pafo, unda cu el a lubida riba tur loke tabata pasando ora cu un grupo grandi di
colega di hospital a dun’e un sorpresa masha grandi.
Yvonne Dingelhoff a cuminsa traha na Hospital for di aña 1983/1984, pues 32 aña pasa. E ta parti di e
team di dialyse como “Dialyseverpleegkundige”. E ta conoci como un empleada cu gusta pone su
pashentnan y coleganan “in het zonnetje” y awo a yega e momento pa e mes wordo poni “in het zonnetje”,
asina su Zorgmanager, Caroline Rafaela a comenta.
E zorgmanager tabatin hopi elogio pa Yvonne su forma di ta, un persona cu di curason ta haci su trabao y
ta inverti su cariño y tempo den e ser humano cu e ta trata cune. Yvonne semper ta bay “the extra mile”, e
ta traha cuki y bolo pa su pashentnan, e ta duna tur hende extra atencion y hasta ta haci respondi pa nan,
segun Caroline Rafaela.
E ta un persona hopi aprecia; semper e tin atencion pa su coleganan y ta hopi colegial y cla pa yuda, hasta
na momento cu un colega ta desea di cambia su warda, mayoria biaha Yvonne ta esun cu ta traha na e
colega su luga. E zorgmanager tabata contento cu e sorpresa a logra asina bon y por bisa hasta cu Yvonne
a keda un poco “den shock”.
Yvonne Dingelhoff a expresa cu e ta haya masha leuk cu el a wordo scogi pa e titulo y honor di ta
Empleado di Luna di Februari 2015. El a remarca cu e ta kere cu ta e amor cu e tin pa su pashentnan y e
tantisimo añanan cu e tin den servicio a hunga un rol grandi den su nominacion.
E verpleegkundige a comenta cu su conseho pa tur hoben cu ta pensa di studia pa bira un profesional den
cuido ta pa semper tene nan dilanti cu e factor mas importante pa tuma un decision asina mester ta
sentimento di “amor pa prohimo”.
E siman aki, cu e conmemoracion di Siman di Riñon tumando luga na e Departamento di Dialyse di
hospital, sigur tabata un bunita momento pa a honra hustamente un verpleegkundige specialisa den e
ramo di dialyse como empleado di luna.
Monday, 16 March 2015 16:21
Comparti
Siman pasa Clinica di Dialyse di Dr. Horacio E. Oduber Hospitaal tabata di fiesta, pasobra a honra un di
nan empleadanan stima cu e titulo di “Empleado di Luna” di Februari 2015.
Yvonne Dingelhoff, kende ta trata como nurse na Departamento di Dialyse, a yega trabao, pone su
pashentnan na mashin pa tratamento di dialyse y net despues su Zorgmanager Caroline Rafaela a busk’e.
El a protesta un poco, kisas dor di nervio pasobra e mester a kita su bril. Den tur e bay-bin Zuster Rafaela
a logra di yega cune pafo, unda cu el a lubida riba tur loke tabata pasando ora cu un grupo grandi di
colega di hospital a dun’e un sorpresa masha grandi.
Yvonne Dingelhoff a cuminsa traha na Hospital for di aña 1983/1984, pues 32 aña pasa. E ta parti di e
team di dialyse como “Dialyseverpleegkundige”. E ta conoci como un empleada cu gusta pone su
pashentnan y coleganan “in het zonnetje” y awo a yega e momento pa e mes wordo poni “in het zonnetje”,
asina su Zorgmanager, Caroline Rafaela a comenta.
E zorgmanager tabatin hopi elogio pa Yvonne su forma di ta, un persona cu di curason ta haci su trabao y
ta inverti su cariño y tempo den e ser humano cu e ta trata cune. Yvonne semper ta bay “the extra mile”, e
ta traha cuki y bolo pa su pashentnan, e ta duna tur hende extra atencion y hasta ta haci respondi pa nan,
segun Caroline Rafaela.
E ta un persona hopi aprecia; semper e tin atencion pa su coleganan y ta hopi colegial y cla pa yuda, hasta
na momento cu un colega ta desea di cambia su warda, mayoria biaha Yvonne ta esun cu ta traha na e
colega su luga. E zorgmanager tabata contento cu e sorpresa a logra asina bon y por bisa hasta cu Yvonne
a keda un poco “den shock”.
Yvonne Dingelhoff a expresa cu e ta haya masha leuk cu el a wordo scogi pa e titulo y honor di ta
Empleado di Luna di Februari 2015. El a remarca cu e ta kere cu ta e amor cu e tin pa su pashentnan y e
tantisimo añanan cu e tin den servicio a hunga un rol grandi den su nominacion.
E verpleegkundige a comenta cu su conseho pa tur hoben cu ta pensa di studia pa bira un profesional den
cuido ta pa semper tene nan dilanti cu e factor mas importante pa tuma un decision asina mester ta
sentimento di “amor pa prohimo”.
E siman aki, cu e conmemoracion di Siman di Riñon tumando luga na e Departamento di Dialyse di
hospital, sigur tabata un bunita momento pa a honra hustamente un verpleegkundige specialisa den e
ramo di dialyse como empleado di luna.
