Page 49 - MIN ON 7 APRIL 2016

Awe mainta Scol Cacique Macuarima tabata na turno pa ricibi bishita di Minister di Enseñansa, Michelle
Hooyboer-Winklaar, hunta cu su colega Minister Alex Schwengle, en conexion cu dia internacional di
actividad fisico.

"Nos a tuma un Oportunidad pa bishita un scol saludabel, un scol cu ta haci hopi riba tereno aki y cu a
incorpora e aspecto di un bida saludabel den tur aspecto di e scol, como tambe riba e parti di movecion fisico",
Minister di Enseñansa a declara Durante su bishita diaranson mainta.
Minister di Salubridad Publico, dr. Alex Schwengle, tambe a tuma su tempo pa papia cu e studiantenan di un
klas, riba kico nan ta gusta come, kico ta e cosnan cu mester tin den un bida saludabel.
Aspectonan manera consumo di awa, nutricion general, consumo di berdura y fruta, ta tur aspectonan
importante den bida di un mucha.
No ta tur mucha gusta berdura of fruta, pero si por tin algo cu bo por como mayor incorpora den e dieet di un
mucha, Minister Hooyboer-Winklaar a expresa.
Obviamente e parti di actividad fisico a resalta, unda cu por a wak cu tin asina importancia no solamente riba
e parti fisico , pero tambe riba e aspecto di prestacion di studiante. Incorporando movecion den un lesuur tin
su frutonan pa loke ta trata e prestacion di e muchanan. Conscientisa y duna scolnan diferente instrumento pa
crea condicionnan optimal pa loke ta trata salad, lo beneficia tur Scol.

"Minister Schwengle ta comparti e vision di e concepto di Scol Saludabel y nos lo traha hunto pa realisa Esaki
na mas Scol" minister Hooyboer-Winklaar s enfatisa.

Entrega di premio Rifa Colegio Arubano

Wednesday, 06 April 2016 17:40
Comparti

Colegio Arubano a hasi entrega di e promer premio di e rifa di Havo 4 y Vwo 5, e projectonan di
"buutenlandse reizen" di e school.