Page 50 - MIN ON 7 APRIL 2016
P. 50
Sr. Pourier, representante di Bright Bakery a ricibi for di juffrouw Postuma y meneer Yarzagaray e jabi di
e Kia Picanto Sporty 2016.
E otro premionan di e rifa por wordo busca na Administratie di Colegio Arubano durante oranan di
oficina.
Un danki na Aruba henter cu a sostene e rifa di Colegio Arubano.
Andin Bikker PDR: PDR ta preocupa cu situacion di
maneho di Colegio Arubano
Wednesday, 06 April 2016 15:17
Comparti
Den conferencia di prensa e lider di PDR, Andin Bikker, a mustra su preocupacion pa cu e maneho di
Colegio Arubano. El a bisa esaki pasobra un par di siman pasa e di dos Rector cu a wordo busca for di
exterior aparentemente pa drecha e situacion na Colegio Arubano y cu ken a cera un acuerdo pero cu el a
traha tres pa cuater luna so, despues di un aña a haya un Golden hands shake y el a bay.
E Rector aki a causa hopi pleito na Colegio y docentenan hopi keri a haya nan mes retira y tambe
diferente alumno a wordo persigui. Bikker a expresa cu Colegio ta e unico scol secundario na Aruba cu,
den e sistema di ensenanza cu nos a hereda di Hulanda, ta duna acceso na Universidadnan Hulandes, cu
ta produci Academiconan cu dia di mañan ta e lidernan di nos pais: docternan, ingenieronan,
abogadonan, parlamentarionan y mandatarionan, etc., aworaki tin incertidumbre pa cu su maneho.
Fuera di esey, Bikker a bisa, el a tuma nota di un articulo cu a wordo manda door di un ex –maestro,
caminda e ta bisa cu e maestro aki a wordo contrata contra cierto principionan di ley pa contrata
personal den enseñanza cual, netamente, ta delinea kico ta e salario cu un Rector mag di gana, y pa
mantene tambe igualdad entre e docentenan.
Según informacionnan cu Bikker tin e persona aki a gana mas cu e salario máximo, y e ta puntra na costo
di cual fondonan lo a financia e extra salario y beneficionan pa e persona aki, cu no a dura ni un aña den
e posición aki y a causa hopi discordia. PDR lo haci pregunta den Parlamento of bay den debate cu e
minister di enseñanza durante reunion publico tocante e desaroyonan aki. Bikker a conclui bisando cu
mester wak pa trece trankilidad bek den e institucion aki,y pone ordo den e maneho, pa e studiantenan
por haya nan diploma den tur trankilidad y bon ambiente, y a acentura cu PDR lo tene e caso aki na su
curazon pa atende cu e preocupacionnan expresa na su fracción door di alumnonan, maestro y mayor
riba e temática aki.
Mervin Wyatt Ras: Dia 7 di april ta dia
international di Salud y e anja aki ta pidi accion
mundial pa diabetis
