Page 54 - MIN ON 7 APRIL 2016

Hargreaves a laga sa cu e “collaboratory” lo funciona di tal forma cu e ta complementa e iniciativanan
internacional di Organization for Economic Cooperation and Development y di Nacionnan Uni, pero lo
eherce su habilidad pa sigui avansa cu un vision amplio di excelencia den enseñansa cu ta brasa hecho
nan manera inclusion di enseñansa special, hopi tipo di diversidad, y bienestar cu ta apoya den e
sistemanan cu ta construi y promove e profesion di educado como un profesion fuerte y sostenibel.
Na Merca, despues di e introduccion di e acta “Every Student Succeeds”, mas responsabilidad di diseño
di maneho pa cu enseñansa ta wordo dirigi pa oficialnan estatal. Sinembargo, ainda hopi estadonan
Mericano – algun mas grandi cu hopi pais, no tin un tradicion di interaccion cu esunnan cu ta traha
maneho y coleganan profesional internacionalmente. E Atlantic Rim Collaboratory ta provee un ehempel
y oportunidad pa estadonan traha mas global.
E cumbre ta honra e di 30 aniversario di e reunion entre President Ronald Reagan y president di union
sovietico Mikhail Gorbachev na IJsland, Hargreaves a expresa. “Un di e ideanan tras di e fundacion
Atlantic Rim ta pa kibra bareranan entre paisnan y regionnan, como tambe entre investigadonan y
politiconan, asina pa por eherce e ideanan mas fundamental pa determina cu loke e kiermen pa ta educa
den e mundo di awendia pa e beneficio mutuo di tur sistema cu ta forma parti di ARC, y futuro
generacionnan di studiantenan mundialmente,” Hargreaves a bisa.

Cuerpo di Bombero ta sigui
actualisa nan conocemento

Tuesday, 05 April 2016 23:50
Comparti

Diadomingo ultimo comandante di Cuerpo di Bombero, Ing. Edward de Cuba y Officier Ferdinand
Ponson a biaha pa isla ruman Boneiro, pa sigui un curso di certificacion como voorzitter
examencommissie y examinator respectivamente, pa asina trece e calidad di e cursonan na Aruba riba un
nivel mas halto, pero tambe full Caribe Hulandes por haci uzo di nan cu e experticio y e conocemento cu
tin e momento eynan.