Page 9 - HOH

6 LOCAL AWEMainta
Ora defende bo mes ta haci bo un criminal
PA hopi homber na Aruba — y rond mundo — cas no semper ta un luga di paz.
Den e sombra di combersacionnan di abuso domestico, tin un berdad cu nos
rara bes ta papia na bos halto: hombernan tambe por ta victima. Pero diferente
di nan coleganan femenino, hombernan cu ta sufri abuso hopi biaha ta sinti nan
pega — no djis pa nan agresor, sino p’e miedo di con sociedad y ley lo reacciona
si nan ‘dal’ bek.
Miedo y consecuencianan legal
Un homber cu ta defende su mes contra un pareha violento ta cana riba un hilo
fini. Na un banda tin e instinto pa auto-preservacion. N’e otro, e realidad teribel
cu cualkier acto di resistencia fisico por conduci na aresto, berguensa, of mas
pio. Mientras violencia nunca no mester ta un solucion, hopi homber ta biba cu
e conocemento cruel cu si nan lanta un man den auto-defensa, mundo kisas no
lo mira un victima — sino un agresor.
E miedo aki no ta imaginario. Hopi sistema legal, incluyendo esun di Aruba, ta
mas experencia den reconoce victimanan femenino. Refugio di abuso y hotlines,
aunke vital, ta tipicamente diseña pa hende muhe. Poco opcion ta existi pa
hombernan cu tin mester di refugio of sosten. Den hopi caso, ora polis yega, e
prehuicio ya caba ta haci: E homber t’e menasa.
Normanan cultural y falta di sosten
Normanan cultural ta profundisa e silencio. Hende homber ta wordo lanta pa
ta “fuerte,” “duro,” y “den control.” Admiti vulnerabilidad, specialmente den
relacionnan, ta desafia tur locual a siña nan pa ta. Abuso — emocional, fisico,
of psicologico — no ta “pas” den e stereotipo di masculinidad. Pues ora e ta
sosode, victimanan hopi biaha no ta bisa nada, maske nan ta soporta dalmento,
Diaranson, 25 Juni 2025
insulto, y control riba nan finansa of yiunan.
P’esnan cu ta purba papia, burla of incredul-
idad ta comun. “Un homber? Abusa pa un hende
muhe? Ban mira.” E tipo di actitud desestima ey
ta mantene miles di homber pega den hogarnan
peligroso, miedo pa defende nan mes pasobra
haci esey por pone nan den prizon, no den sigur-
idad.
Un yamada pa igualdad y proteccion universal
Esaki no ta tocante kita for di experencianan di
hende muhe. Violencia domestico contra hende
muhe ta real y mester semper wordo atendi cu ne.
Pero silencio rond di victimanan masculino sola-
mente ta haci nos tur menos sigur. Si husticia
ta nifica algo, e mester ta proteccion igual, no
proteccion basa riba genero.
Kico Aruba por haci? Prome, reconoce e prob-
lema. Rapport di gobierno y campañanan publico
mester inclui victimanan masculino. Imposicion
di ley tin mester di training pa evalua casonan
di violencia domestico sin prehuicio. Y refugio of
servicionan di sosten mester habri nan porta pa
tur sobreviviente — hombernan inclui.
Nos mester cambia tambe e script cultural. Laga
nos stop di hari dolor di homber of spera nan keda
keto pa ta “fuerte.” Laga nos reconoce cu abuso
no tin genero — y tampoco husticia mester tin.
Te ora nos crea espacio pa tur victima, hombernan
lo sigui sufri den silencio, pa miedo di e reaccion
di un mundo cu demasiado biaha solamente ta
mira un banda di e storia. Y nos lo sigui faya nan
— no pasobra nan no a papia, sino pasobra nos
no tabata cla pa scucha.