Page 13 - MIN VOS 29 FEB 2016

E meta di mas grandi pa SABA ta pa bay dilanti teniendo den
mente e cuido di nos grandinan

Sunday, 28 February 2016 14:01
Tweet
Comparti

Sindicato a manda un carta pa SABA. Remo Kock di SABA a splica cu e siman aki lo sinta hunto pa
delibera riba e contesta.

Pero loke nan a pidi ta cu nan lo kier pa full e team di reseda wordo hala pa bay na San Nicolas, den CDC.
Esey ta basa cu e situacion structural pa loke ta e verbouwing. Esey ta un pida di e puzzel so. Si bay hala e
afdeling pa San Nicolas, no a resolve nada. Ta miho nan keda eynan pasobra no a resolve cu a traha di
trece e calidad di servicio bek na e nivel manera mester ta, door di pone nan na un luga cu tin habri. Esey
no lo resolve nada y ta purba di splica esey y si tin cu splik’e, e lo hacie atrobe, cu na e momento aki no ta
un cos so ta pasando. Mester bin verbouwing, pero esey ta trahando riba dje. Cu mester cera e
vacaturanan, ta trahando riba dje, pero tur es ten cu tur eseynan ta pasando, no por keda sin tuma un
decision pasobra den mente di Kock semper, pa gerencia, e grandi ta bin na prome luga. Kico ta miho pa
e grandi. Tur decision cu tuma ta basa riba e cuido di e grandi. E calidad di cuido cu ta duna e grandi ta
un cu hende conoce y esey como gerente di SABA tin cu tuma decisionnan cu na final di dia ta pa e balor
di e grandi. Con ta trata nan, cuando hende mester pa duna e cuido na e persona ey. Pa SABA na final di
dia, esey ta loke ta mas importante. Tin trahado ta hay’e dificil, cual ta logico. Tin hende cu tin 20 aña, 30
aña ta traha riba e afdeling y cambio semper ta dificil. Pero tin otronan cu ta pensa cu por ta ta un
challenge nobo cu si nan bay un otro departamento ta algo nobo. E reaccionnan ta hopi varia. Pero SABA
ta un managementteam cu nan ta hopi abierto cu si un hende tin pregunta por bay cerca nan. Si tin cu
splica di nobo, lo haci esey tambe. No ta algo cu nan no ta haci. No ta asina cu no ta comunica. SABA for
di comienso ta comunica y ta wak e balor. Si tin inkietud. Cu ta compronde e inkietud, esey tambe. Pero
cu tin cu bay dilanti, teniendo den mente e cuido di e grandi, esey ta keda toch na prome luga, e meta di
mas grandi pa SABA.

http://www.24ora.com/local-mainmenu-5/105777-e-meta-di-mas-grandi-pa-saba-ta-pa-bay-dilanti-
teniendo-den-mente-e-cuido-di-nos-grandinan