Page 14 - MIN VOS 29 FEB 2016

Problema cu SABA tin awor aki ta e vacatura cu tin cu wordo
yena den e afdelingnan cu e tin

Sunday, 28 February 2016 13:50
Comparti

Director di SABA, Remo Kock a splica cu e caso di SABA ta complica. Maristela ta parti di SABA.

Den caso di San Pedro y SBC ta den man di gobierno y a bin na un areglo cu SABA ta uzanan pa loke ta e
cantidad di clientenan pa duna e servicio necesario pa nos grandinan. Den e caso cu na San Pedro,
durante di añanan, e mantencion no tabata manera mester ta, pero ta papiando cu gobierno pa wak kico
por haci y negociacionnan eynan ta bayendo bon. Ta bezig ta bin cu solucion. Pero esey no ta e unico
rason. Esey ta un cos cu mester ta hopi cla. E rason di mas importante ta, ta e vacaturanan cu SABA tin
cu yena. Si bin bek den un futuro, esey lo ta na dado momento ora cu tin suficiente hende pa yena e
posicionnan cu por tin un team completo. Prome cu esey pasa tin cu wak prome si e resto di e hendenan
den SABA tin e backup, e sosten di nan hendenan, cu tur e teamnan cu tin ta completo. Esey ta nifica cu
por ehempel, ora cu tabata short, tabata tin keho cu e ta hopi duro pa tin un hende ta traha marduga so.
Cu loke a haci awor aki cu a pone e diferente hendenan na e buraconan unda cu tabata falta hende, por
garantisa atrobe cu por tin suficiente hende ta traha marduga, unda cu tin dos hende ta traha e ora ey,
sin cu un buraco ta cay. Ora cu ta short, un hende bira AO of tin cu dun’e vakantie pasobra e tin su
dianan aden, cu ta cay short, awor cu tin e teamnan completo, por hunga cun’e cu e shiftnan, ta yen y cu
a complementa e teamnan pa cada un afdeling manera cu e mester ta. Sindicato a reuni cu SABA y a bin
cu sugerencia. Kock a splica cu e ta haya jammer pasobra e cos aki na varios ocasion a splik’e y un biaha
mas a trece dilanti. No por compara e tempo di Maristela, mescos cu awo. Tempo cu tabata na Maristela
cu nan a verhuis un vleugel completo, tabata tin di haber cu verbouwing. E tempo ey no tabata tin
escases di hende manera cu tin awor aki. No por compara e situacion e tempo ey cu awo. Awo na e
momento aki, si bay transplanta e afdeling aki na San Pedro pa San Nicolas, no a soluciona nada,
pasobra e escases riba cada un afdeling ta keda e mesun cos. E werkdruk riba cada afdeling caminda cu
no tin suficiente hende pa traha, cu e resultado cu ainda ta haya e chens di tin AO di e hendenan cu ta
traha asina duro, cu nan no ta wante mas. No por compara loke a pasa den pasado na Maristela cu loke ta
pasando awor aki. E ta full un caso diferente. Pa loke ta e vleugel di San Nicolas, loke ta pasando ta cu si
tin seis afdeling, na cada un afdeling falta verzorgsters, bo falta diferente hende, verpleging, unda cu den
cada un shift, tin cu wak con bo ta bay yena e buraconan pa bo duna e servicio, e calidad di servicio, na
un tal manera cu e bieu no ta sufri. Cu bo tin suficiente hende riba cada un afdeling cu si un hende
mester tin un ATV, bira malo of bay cu vakantie cu tin suficiente hende ta trahando e momento ey pa e
grupo di bieu cu tin riba e afdeling. Si bay hala full un afdeling pariba, a keda mesun leu, pasobra no a
cera e buraconan cu tin den SABA den cada un cas, den cada un afdeling. Si awor aki loke ta haciendo,
unda cu ta hala e personanan unda cu ta necesario, unda cu tin un vacatura por ehempel. Kock ta hala e
personanan di Reseda, wak si tin hende cu tin e mesun calificacion di nivel 2 y 3, ta pone nan riba un otro
afdeling, unda cu tin e tekort na e nivel 2 y 3. Esey ta bay causa cu e team ta completo riba e afdeling ey,
unda cu e ta alivia trabao di tur. E werkdruk ta baha y tin mas oportunidad cu por traha un schedule
manera cu e ta, unda cu tin cierto exigencianan minimal, pa un cierto cantidad di hende, un cierto
cantidad di cliente, cierto cantidad di hende ta traha. E decision cu ta tuma ,unda cu ta hala e hendenan
pa unda cu e vacaturanan no ta habri, ta cera basicamente e buraconan di e vacatura, por garantisa cu
door di e afdeling, por sigui garantisa e cuido cu ta duna e grandi, Kock a splica.